راولپنڈی۔ 07مئی (اے پی پی) بھارت نا کنڈآن نن نا تہاری ٹی پاکستان نا مسہ ہند آتیا میزائل خلنگا، بنائی حوال آتا رداٹ بھارت نا داشرمناک جلہو اٹی اسہ کودک چناس شہید، زالبول اسے تون اوار 2 بندغ ٹھپی مسنو۔ سیکورٹی حوالی نا رداٹ سے شنبے و چارشنبے نا نیامی نن بھارت نا اسہ لغور جلہو اسے ٹی مسیت سبحان بہاولپور ءِ ہم ٹارگٹ کننگا، لغور انگاجلہو اٹی داتم اسکان اسہ کودک چناس شہید وخت اس کہ اسہ زالبول و اسہ نرینہ اس بھاز ٹھپی ءُ۔ بھارت نن نا تہاری ٹی کودک پاکستانی تے لغورانگا جلہواٹی ٹارگٹ کرے۔ سیکورٹی حوالی نا پاننگ ءِ کہ پاکستان نا کنڈآن ورندی کارروائی نا بناءِ کننگانے۔
