راولپنڈی۔ 07مئی (اے پی پی) ڈی جی آئی ایس پی آر لیفٹیننٹ جنرل احمد شریف پارینے کہ بھارت نن نا تہاری ٹی پاکستان آ شرمناک و لغوری اٹ جلہو کرینے، نن نیمہ غا پاکستان نا مسہ علاقہ غاتیا میزائل خلکنے، پاک فضائیہ ہندوستان نا جہاز آتے پاکستان اٹ پترینگ انگ کن اِلیتو، بھارتی جہاز آک تینا دنگ آن میزائل خلکنو، پاکستان وخت و ہند انا گچینی ءِ کرسا ہندوستان ءِ پبی ورندی ایتک۔ نجی ٹی وی تون گپ وتران کرسا ڈی جی آئی ایس پی آر پک کرینے کہ ہندوستان نا کنڈآن فضاء آن مظفرآباد، کوٹلی و بہاولپور آ میزائل خلکنے۔ اوپارے کہ میزائل جلہو نا نسخان تا جاچ ءِ ہلنگ انگ ءِ۔ اوپارے کہ ہندوستان شرمناک جلہو کرینے، پاکستان وخت و ہند انا تعین ءِ کرسا پبی ورندی ایتک۔ اوپارے کہ پاک فضائیہ پورو الرٹ ئس ہنداسوب آن بھارتی جہاز پاکستان نا دنگ اٹ پترینگ انگ کتو و تینا فضائی دنگ آن فضاء آن میزائل خلک ہراپاکستان اٹی مسہ ہند آتیا تمانو۔
