اسلام آباد۔ 07مئی (اے پی پی) چیئرمین سینیٹ سید یوسف رضاگیلانی پارینے کہ بھارت نا کنڈآن لغور انگا جلہو مذمت نا قابل و شرمناک فعل اسے، بھارتی جارحیت ڈیہہ انا امن و سوگوی کن بھلو خطرہ اسے، بھارتی گام جہانی کانود و انسانی حق انا پاش آن پاش خلاف ورزی ءِ، چارشنبے نادے آ اسہ بیان اسے ٹی چیئرمین سینیٹ پارے کہ پاکستان پرامن ءُ ملک اسے ، ولے وتواجہی و سیم تا رکھ اکن ہرکہول آ گچین ورندی تننگ نا لائخی تخک، مچ آ قوم سلہہ بند فوج اتون ہم کوپہ سلوک ءِ، سید یوسف رضاگیلانی پارے کہ ننا بہادر فوج مدام ملکی سیم تا رکھ اٹی تاریخ ساز قربانی تسنے، دشمن نا ہرجارحیت نا پبی ورندی ءِ تننگک ، داوار ہم دشمن ءِ جیرت و حوصلہ اٹ ورندی تننگک، پاکستان بھارت نا اشتعال انگیزی نا پبی ورندی ءِ تننگ نا حق تخک تانکہ دشمن ءِ آخبت داوڑنا ناپاک حرکت نا جیرت مف، چیئرمین سینیٹ سید یوسف رضاگیلانی پارے کہ جہانی برادری بھارت نا اشتعال انگیزی نا نوٹس ءِ ہلے، جہانی برادری ڈیہہ اٹی امن و ایمنی کن گچین کڑد ادا کے پاکستان ہرجارحیت نا ورندی ءِ تننگ کن پورو وڑاٹ تیار ءِ، قوم انا ہر بندغ تینا فوج اتون سوگو ءُ دیوال اس جوڑ مرسا سلوک ءِ۔
