راولپنڈی۔7مئی (اے پی پی): ڈی جی آئی ایس پی آر لیفٹیننٹ جنرل احمد شریف چوہدری ءَ گوشت کہ 6 ءُ 7 مئی ءِ نیامی شپ ءَ بھارتی اُرد ءِ نیمگ ءَ 6 جتائیں ھند آنی سر ءَ میزائل اُرش آنی نتیجگ ءَ 26 پاکستانی شہری شہید ءُ 46 ٹپیگ بوتگ انت۔ لائن آف کنٹرول (LoC) ءِ سر ءَ ءُ پہ زانت ءُ کسداَ شہری آبادی ءُ عبادت جاہاں نشانگ جوڑ کتگ۔ اے اُرش شپ ءِ شپ ءَ بوتگ اَنت کہ گیشتر مسیت ءُ نندگ جاہاں نشانگ جوڑ کنگ بوتگ اَنت کہ اے مودی سرکار ءِ انتہا پسندیں ذہنیت ءِ درشان اِنت۔ آئی ءَ گوشت کہ لاک ءِ سر ءَ بھارتی مزنیں توپان ءِ آسر ءَ دگہ 5 مردم شھید بوتگ ایشانی تہ ءَ پنچ سالی چک ھم ھوار اِنت۔ پاکستان ءِ سلاہ بندیں اُرد ءَ ھندی زوراکی ءِ سر ءَ ترند ءُ جوانیں رنگ ءَ پسو دات۔ آزات کشمیر ءِ ہما دمگ کہ آہانی نشانگ جوڑ کنگ بوتگ انت آ انوگیں وھد ءَ آزات کنگ بوتگ انت ۔ من ءَ میان استمانی رسانکدر ءَ زیارت کت ءُ ہندوستان ءِ پروپیگنڈا ءَ بے ننگ کت۔ ہمے دمگاں اُرش اصل ءَ زور ءِ وسیلہ ءَ وتی دروگیں دعویٰ ءِ ثابت کنگ ءِ ناکامیں جہد اِنت۔ ڈی جی آئی ایس پی آر ءَ گشتگ کہ پاکستانی فوج ءَ بھارتی زوراکی ءِ سرا لائکیں پسو داتگ ءُ بھارتی ’’بازیں‘‘ چیک پوسٹ تباہ کتگ انت۔ اے موہ ءِ سر ءَ بردابھ ءِ ہیڈ کوارٹر ءِ ویڈیو ھم پیش دارگ بوت کہ اودا چہ بھارت ءَ جنگ بندی ءِ خلاف ورزی کتگ ات۔ چٹری، جورا ءُ سرلار ون ءِ چیک پوسٹانی نیمگ ءَ یک یونٹ بٹالین ءِ ہیڈ کوارٹر ھم نشانگ جوڑ کنگ بوتگ۔ ڈی جی آئی ایس پی آر ءَ اے گپ ءِ پدرائی کتگ کہ پاک فضائیہ ءَ بھارتی بالی اُرش ءِ کوشست ءِ پسو ءَ بھارتی 5 جنگی بالی گراب ءُ یک ڈرون ءِ سر ءَ تیر گواری کتگ۔ تباہ بوتگیں بالی گرابانی تہا 3 رافیل، مگ 29، سو 30 ءُ اسرائیل ءِ جوڑ کتگیں ہار ون ڈرون ھوار انت۔ آئی ءَ گوشت کہ پی اے ایف ءَ لوٹ ات گڈا 10 ءَ چہ گیش ھندی بالی گراب ایر کت کنت بلے پختہ وژن ءُ اسٹریٹجک گر ءُ دار ءِ درشان کنگ لوٹ ات۔ آئی ءَ گوشت کہ پاکستان ءِ اچ بالی گراب ھندوستان ءِ ھوائی دمگ ءَ نہ اتکگ ءُ مئے سرڈگار ءَ اچ ھم ھندوستان ءِ بالی گراب آھگ ءِ موہ نہ بوتگ۔ آئی ءَ گوشت کہ پاک فضائیہ ءِ سرجمیں اثاثہ جنگی جہاز ءُ انسٹالیشنز ءَ ھوار سرجمی ءَ ایمن ءُ کار کنگ ءَ انت۔ ڈی جی آئی ایس پی آر ءَ اے گپ ءِ پدر کنگ ءَ گشتگ کہ پاکستان ءِ اے پسو خالص دفاعی بوتگ ءُ اے پسو ہما وہد ءَ دیگ بوتگ کہ بھارتی بالی گراباں پاکستان ءِ فضائی حدود ءِ خلاف ورزی ءِ کوشست کتگ۔ آئی ءَ گوشت کہ بھارت ءَ نلمان جھلم پن بجلی منصوبگ ءِ نزیک ءَ نوشیرا ڈیم ھم نشانگ جوڑ کتگ ایشی ءَ چہ المی ئیں بنیاتی ڈھانچہ ءَ را تاوان رستگ ءُ ھزاراں شہری آنی جان ءَ را ھترہ ءِ تہ ءَ داتگ۔ آئی ءَ گوشت کہ آپی ادارگ آناں نشانگ جوڑ کنگ نہ ایوک ءَ میاں اوستمانی کانود ءِ ھلاپ ورزی اِنت بلکینگ ءَ انسانی آفت ءِ ھم سوب جوڑ بوت کنت۔ ڈی جی آئی ایس پی آر ءِ رد ءَ اُرش ءِ وھد ءَ پاکستان ءِ ھوائی دمگ ءَ 57 میان اُستمانی بالی گراب بوتگ اَنت کہ آھانی تہ ءَ ھزاراں مسافر سوار بوتگ اَنت۔ اے وڑیں کارروائی ہندوستان ءِ فوجی منصوبہ بندی ءِ انتہا پسند ءُ بد شور ءُ سلاہ ءِ درشان انت کہ آئی ءَ انسانی جان، میان استمانی قانون ءُ ہوابازی ءِ رہبندانی ہچ وڑیں ھیال ءُ لیکہ ءِ درشان نہ کتگ۔ آئی ءَ ھشدار داتگ کہ پاکستان وتی وت واجھی ءِ رکھینگ ءِ سرجمیں ھک ءَ وتی گور ءَ دار ایت ءُ ھرچ وڑیں زوراکی ءِ گوں لائکیں پسو ءَ گوں دیم پہ دیم کنگ بیت۔ ڈی جی آئی ایس پی آر ءَ میاں اوستمانی براتی ءَ چہ ھاسیں رنگ ءَ میاں اوستمانی ہوابازی ءُ آپی حقانی گلاں چہ اپیل کتگ کہ آ ہندوستان ءِ جنگ ءُ چوپی آشوب ءِ سر ءَ ترندیں نوٹس بہ زور اَنت کہ اے شہری آنی دمگی امن ءُ ایمنی ءَ را مزنیں ھترہ یے جوڑ کنت۔
