اسلام آباد۔7مئی (اے پی پی): راجی سلامتی کونسل ءَ بھارت ءِ بے سوبیں، بزدل ءُ ناجائزیں جنگی کارروائی ءَ را پاکستان ءِ حاکمیت ءُ سرزمین ءِ یکوئی ءِ بے دروریں خلاف ورزی لیک اتگ ءُ وتی اے جزم ءِ پدا زور داتگ کہ پاکستان ءَ وتی وھد ءُ پاس ءُ وتی زند ءِ رکھینگ ءِ حق است انت۔ ءِ حاکمیت ءِ بے دروریں خلاف ورزی۔ پاکستان ءِ سلاہ بندیں اُرد ءَ بھارتی زوراکی ءِ ھلاپ ءَ وتی سرزمین ءِ یکوئی ءِ دلجمی ءَ گوں دفاع کتگ۔ قوم ھرچ زوراکی ءِ دیم ءَ دارگ ءِ ھاترا دلجم اِنت۔ بین الاقوامی براتی ءَ ہندوستان ءِ بے سوبیں، ناجائزیں کارانی سنگینی ءِ احساس بوتگ ءُ آئی ءَ را بین الاقوامی رہبند ءُ کانود ءِ بے دروریں خلاف ورزی ءِ احتساب کنگ لوٹیت۔ پاکستان شان ءُ شرپ ءِ گوما امن ءِ ھاترا جزم اِنت بلے وتی حاکمیت، علاقائی یکوئی ءِ ھچ وڑیں خلاف ورزی ءِ اجازت ءَ ھچبر نہ دنت۔ مزن وزیر محمد شہباز شریف ءِ سروکی ءَ راجی سلامتی کمیٹی ءِ دیوان برجم دارگ بوت۔ دیوان ءِ تہ ءَ ھندی زوراکی ءِ آسر ءَ شھید بوتگیں بے گناھیں لس مردم آنی ارواح آنی آرام ءِ واستہ فاتحہ پیش کنگ بوت، شھید آناں گوں دل ءِ جہلانکی ءَ دلپدردی درشان کنگ بوت ءُ ٹپی آنی زوت جان سلامتی ءِ واستہ دعا لوٹگ بوت۔ چار شمبے ءِ روچ ءَ مزن وزیر کارگس ءِ میڈیا ءِ نیمگ ءَ جاڑی بوتگیں بیان ءِ رد ءَ این ایس سی ءَ بھارت ءِ بے سوبیں، بزدل ءُ ناجائزیں جنگی کارروائی ءَ چہ پیداکیں گرانیں جاور ھال آنی سر ءَ ھیال ءُ لیکہ کتگ۔ این ایس سی ءَ را ھال دیگ بوتگ کہ 6/7 مئی 2025 ءِ شپ ءَ بھارتی سلاہ بندیں اُرد ءَ پاکستان ءِ وت واجہیں سرزمین ءِ تہ ءَ بازیں جاھاں ھمگرنچیں میزائل، ھوائی ءُ ڈرون ءِ اُرش کتگ، ایشی ءِ تہ ءَ پنجاب ءِ سیالکوٹ، شاکر گڑھ، مریدکے ءُ بہاول پور ءُ پنجاب ءِ کوٹلی ءُ مظافہ ھوار اَنت۔ اے بے سبب ءُ بے جاہیں اُرشانی تہ ءَ ناشرکاراں کیمپانی ھست بوھگ ءِ دروگیں بہانہ ءَ زانت ءُ سرپدی ءَ شہری دمگ نشانگ جوڑ کتگ اَنت ءُ ایشی ءِ آسر ءَ بے گناہیں مردین، جنین ءُ چُک بیران بوتگ اَنت ءُ شہری بنیاتی ڈھانچہ ءَ ھوار مسیتاں تاوان رستگ۔ بھارت ءِ زھرناکیں کارروائی ءَ چہ خلیج ءِ ملک آنی تجارتی بالی گراب آنی واستہ ھم مزنیں ھترہ یے بوتگ ءُ جہاز ءِ تہ ءَ سواریں ھزاراں مسافر آنی جان ءِ ھترہ بوتگ۔ ایشی ءَ ابید نلمہ جھلم پن بجلی منصوبگ ھم زانت ءُ زانگ ءَ چہ میاں اوستمانی کنونشنز ءِ ھلاپ ورزی ءَ نشانگ جوڑ کنگ بنت۔ راجی سلامتی کمیلا ءَ اے ناجائزیں کارروائی کہ میاں اوستمانی کانود ءِ رد ءَ سرجمیں جنگی کارروائیانی زمرے ءَ ھوار اَنت، پاکستان ءِ وت واجہی ءُ سرزمین ءِ یکوئی ءِ ھاسیں ھلاپ ورزی لیک اِتگ۔ بان ءِ رد ءَ ھندی لشکر ءِ نیمگ ءَ چہ شہری ھاسیں رنگ ءَ بے گناھیں جنین ءُ چُکاں زانت ءُ زانت ءَ نشانگ جوڑ کنگ یک زھرناکیں ءُ شرمندگیں جرمے کہ انسانی ارزشت ءُ رھبند ءُ میان اُستمانی کانود ءِ ھلاپ اِنت۔ بان ءَ گوشت کہ پاکستان وتی سرڈگار ءِ سر ءَ ناشرکارانی کمپاؤنڈ آنی ھست بوھگ ءِ ھوالگ ءَ بھارت ءِ الزام آنی سر ءَ مھکمی ءَ رد کنگ ءَ بوتگ ۔ اے گپ یات بہ بیت کہ 22 اپریل 2025 ءَ چہ پد پاکستان ءَ لائک ءِ دل یکیمیں، ساپ ءُ سلہ ائیں ءُ گیر جانبداریں پٹ ءُ پول ءِ پیشوکی گوشتگ کہ ایشرا بد بھتی ءَ چہ قبول نہ کتگ۔ میاں اوستمانی میڈیا ءِ نماھندگ آں پیسر ءَ چہ 6 مئی 2025 ءَ اے “ھیالی ناشرکاری کیمپ” آنی تر ءُ تاب کتگ بوتگ ءُ 7 مئی ءَ گیش تر ءُ تاب کنگی بوتگ پدا دروگ سہرا بوھگ ءِ ترس آنی رد ءَ ءُ وتی سوگند آنی درور آں چہ ابید اچ کس ھم اخلاقیات ءَ چہ ڈن بھارتی سروک وتی دروگ ءُ بنڈل ءُ تنگ نظری ءَ چہ وتی سیاسی مول ءُ مراد آنی تسکین ءِ واستہ کودکیں شہری الس آنی سر ءَ ارش کنگ ءِ سیم سر آں چہ شتگ۔ پاکستان ءِ وتی بے گناہیں شہریانی سرا اُرش ناقابل برداشت ءُ نا منّگ بیت۔ ہندوستان ءَ یک رندے پدا دمگ ءَ آتشزدگی ءِ شعلہ وار کتگ ءُ سرجمیں انٹیلی جنس ءَ را زور ءَ چہ بُرز کتگ کہ ایشی ءِ آسر ءِ سرجمیں ذمہ واری ایوک ءَ ہندوستان ءِ سر ءَ کپیت۔ بیان ءِ رد ءَ پاکستان ءِ سلاہ بندیں اُرد ءَ 22 اپریل 2025 ءَ این ایس سی ءِ نیمگ ءَ چہ جاڑی بوتگیں پرمان ءِ رد ءَ دفاع ءُ پسو ءِ حق ءِ فریم ورک ءِ رد ءَ بھارتی زوراکی ءِ ھلاپ ءَ آزات جموں ءُ کشمیر ءِ نیمگ ءَ پاکستان ءِ سرزمین ءِ یکوئی ءِ سر ءَ دلجمی ءَ دفاع کتگ ءُ بھارتی جنگول آنی ھلاپ ءَ تیرگواری کتگ۔ بیان ءِ تہ ءَ گوشت کہ اقوام متحدہ ءِ منشور ءِ آرٹیکل 51 ءِ رد ءَ پاکستان ءَ وتی دفاع ءِ تہ ءَ ھرچ وھد، جاگہ ءُ رنگ ءَ جواب دیگ ءِ حق است اِنت، وتی بے گناھیں شہری آنی جان ءِ بدلہ ءُ وتی حاکمیت ءِ بے دروریں لگتمالی ءِ بدلہ ءِے زورگ۔ پاکستان ءِ سلاہ بندیں اُرد ءَ را اے ھوالگ ءَ جوانیں گامگیج کنگ ءِ باقاعدہ اجازت داتگ۔ اے گپ ءِ زانگ المی انت کہ سرجمیں پاکستانی راج کہ بھارت ءِ بے دروریں زوراکی ءَ چہ سک باز رنج ءُ گم ءِ آماچ انت، ماتیں وطن ءِ دفاع ءِ ھاترا سلاہ بندیں اُرد ءِ بہادری، دلیری ءُ وھد ءِ سر ءَ کارروائی ءِ سک باز ستا ءَ کنت۔ راج ءِ دیم ءَ ھرچ وڑیں زوراک ءِ دیم ءَ دارگ ءِ ھاترا جزم ءُ تیار اِنت۔ این ایس سی ءَ میاں اوستمانی براتی ءَ را لوٹ کتگ کہ آ بھارت ءِ بے سوب ءُ ناجائزیں کارروائی آنی سنگینی ءَ را سرپد بہ بیت ءُ میاں اوستمانی کانود ءُ اصول آنی بے دروریں خلاف ورزی ءِ سرا آئی ءَ را احتساب بہ کنت۔ بیان ءِ تہ ءَ گوشت کہ پاکستان عزت ءُ شرپ ءِ گوما امن ءِ پابند اِنت ءُ اے گپ ءِ یک رند ءَ پدر کنت کہ آ کدی ھم وتی حاکمیت ءُ سرزمین ءِ یکوئی ءِ لگتمالی ءُ وتی سربلندیں اُلس ءَ را ھچ وڑیں تاوان ءِ موہ نہ دنت۔
