بھارتی اُرش مذمت ءِ لائک اِنت، آئی ءَ مئے امن ءِ واھشت ءَ کمزوری لیک اِتگ، آئی ءَ را شدیدیں آسراتی ءِ دیمپانی کنگی اِنت، چیئرمین پی ایم وائی پی رانا مشہود احمد خان

اسلام آباد۔7مئی (اے پی پی):چیئرمین مزن وزیر ءِ ورنا پروگرام رانا مشہود احمد خان ءَ بزدلیں بھارتی اُرش ءِ سک باز مذمت کتگ ءُ گوشت کہ بھارت ءَ پاکستان ءِ امن ءِ واھشت ءَ را نزوری لیک اِتگ، آئی ءَ را سکیں آسراتی ءِ دیمپانی کنگی اِنت، پاکستانی لشکر راج ءِ فخر اِنت ، مزن وزیر ءِ ورنا پروگرام ءِ باسک رانا مشہود احمد خان ءَ گشتگ کہ اُرش ءِ شپ ءَ ہندوستان ءِ بزدلی اُرش ھلاس بوتگ، مئے فورسز ءَ دژمن ءَ را سبق داتگ، ءُ آ سرپد بنت کہ پاکستان ءِ دفاع ناقابل شکست انت۔ آئی ءَ گوشت کہ سرجمیں پاکستانی راج وطن ءِ رکھینگ ءَ زانت، توامیں شہری وطن ءِ رکھینگ ءِ واستہ یکجا اَنت۔ رانا مشہود ءَ گوشت کہ بھارت اے گپ ءَ سرپد بیت کہ پاکستان آسانیں نشانگ نہ انت، پاکستان آرمی راج ءِ شان انت۔ سول دمگاں نشانگ جوڑ کنگ میاں اوستمانی کانود ءُ پاکستان ءِ وت واجہی ءِ پدریں ھلاپ ورزی اِنت ۔ ہندوستان ءَ زوراکی بندات کنان ءَ پاکستان ءِ صبر ءِ چکاس کتگ۔ سرجمیں راج چو سنگے ءَ پاکستانی لشکر ءِ ھمراھی ءَ اوشتاتگ۔ آئی ءَ گوشت کہ بھارت ءَ مئے امن ءِ واھشت ءَ را ھم نزوری لیک اِتگ ایشی ءِ تہ ءَ شدیدیں آسر آنی دیمپانی کنگی اِنت۔ سرجمیں راج پاکستانی لشکر ءِ سوبمندی ءِ دعا ءَ کنت۔