کوئٹہ۔ 07 مئی (اے پی پی):سائنس ءُ ٹیکنالوجی ءِ وفاقی وزیر نواب زادہ خالد حسن خان مگسی ءَ بھارت ءِ زوراکی ءِ سک باز مذمت کتگ ءُ گوشت کہ بھارت ءِ پاکستان ءِ شہری آبادی ءَ را نشانگ جوڑ کنگ میاں اوستمانی کانود ءِ بے دروریں ھلاپ ورزی اِنت۔ پاکستان ءِ دفاع ناقابل تلافی انت۔ راج ءُ قوت یکیں تاک ءَ اَنت۔ چار شمبے ءِ روچ ءَ سائنس ءُ ٹیکنالوجی ءِ وفاقی وزیر نواب زادہ خالد حسن خان مگسی ءَ گوشت کہ بھارت ءِ بزدلیں کارروائی دمگ ءِ امن ءِ واستہ ھترہ انت۔ پاکستان ءِ سرجمیں راج ھندی زوراکی ءِ ھلاپ ءَ وتی وس ءُ واک ءِ ھمراھی ءَ اوشتاتگ۔ نواب زادہ خالد حسنر خان مگسی ءَ گوشت کہ سرجمیں راج یک مُشت اِنت ءُ دژمن ءَ را لائکیں پسو دیگ ءِ واستہ سلاہ بندیں اُرد ءِ پُشت ءَ اوشتاتگ۔
