اقوام متحدہ ۔7مئی (اے پی پی):اقوام متحدہ ءِ تہا پاکستان ءِ ھاسیں نمائندہ عاصم افتخار احمد ءَ نائب مزن وزیر ءُ درئی کارانی وزیر اسحاق ڈار ءِ ہدایت ءِ رد ءَ میاں اوستمانی گل ءِ مزنیں رہشوناں گوں رابطہ کتگ ءُ آہاں ہندوستان ءِ نیمگ ءَ چہ ملک ءِ حاکمیت ءُ پاکستان ءِ کثیر جہانی کانود ءِ ھلاپ ورزی ءِ بابت ءَ سرپد کتگ۔ کشمیر۔ پاکستانی مشن ءِ نیمگ ءَ چہ جاڑی بوتگیں پریس ریلیز ءِ رد ءَ سفیر عاصم افتخار احمد ءَ سلامتی کونسل ءُ جنرل اسمبلی ءِ صدر ءُ اقوام متحدہ ءِ سیکرٹری جنرل انٹونین گوتریس ءَ را بھارت ءِ زوراکی ءِ بابت ءَ سرپدی داتگ کہ ایشی ءَ چہ میاں اوستمانی امن ءُ ایمنی ءَ را ھترہ رسیت۔ پریس ریلیز ءِ تہ ءَ گوشت کہ پاکستان اقوام متحدہ ءِ منشور ءِ آرٹیکل 51 ءِ تہ ءَ ھواریں وت دفاع ءِ ھک ءِ رد ءَ وتی گچین ءِ وھد ءُ جاہ ءَ اے زوراکی ءِ سر ءَ جوانیں رنگ ءَ پسو دیگ ءِ ھک ءَ دار ایت۔ ایشی ءَ چہ پیسر سیکرٹری جنرل انٹونین گوترز ءَ لائن آف کنٹرول ءُ پاکستان ءِ گوما میاں اوستمانی سیمسر ءِ سر ءَ بھارتی فوجی کارروائیانی سر ءَ سک باز جیڑہ ءِ درشانی کتگ ءُ دوئیں ملکاں چہ اپیل کتگ کہ آ وتی تحمل ءَ بہ کن اَنت۔
