اسلام آباد۔7مئی (اے پی پی):پاکستان ءَ بھارتی زوراکی ءِ سک باز مذمت کتگ ءُ گوشت کہ جنگی بے سوب ءُ بے دروریں کارروائی ءِ تہ ءَ بھارتی بالی گراب آناں میاں اوستمانی سیم سر ءِ سر ءَ شہری آبادی ءَ را نشانگ جوڑ کنگ ءُ وتی ھوائی دمگ ءِ تہ ءَ مان بوھگ ءِ وھد ءَ اسٹینڈ آف سلاہ آناں کارمرد کنگ ءَ پاکستان ءِ وت واجہی ءِ ھلاپ ورزی کتگ۔ اے مریدکے ءُ بہاول پور منڈ بینک انٹرنیشنل بارڈر ءِ لائن آف کنٹرول ءُ آزات جموں ءُ کشمیر ءِ کوٹلی ءُ مظفر آباد ءِ سر ءَ شہری آبادی ءَ را نشانگ جوڑ کنت۔ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ بھارتی زوراکی ءِ آسر ءَ زالبول ءُ زھگاں ھوار لس مردم شھید بوتگ اَنت۔ اے جارحیت ءِ کارروائی ءَ چہ تجارتی بالی ٹریفک ءَ را ھم مزنیں ھترہ یے دیم ءَ کیت۔ ما بھارت ءِ اے بزدلیں گامگیج ءَ سک مذمت کنیں کہ اے اقوام متحدہ ءِ منشور، میاں اوستمانی کانود ءُ بین ریاستی سیادی ءِ جوڑ بوتگیں اصولانی سرا ھاسیں ھلاپ ورزی اِنت۔ بان ءِ رد ءَ پہلگام ءِ وئیل ءِ رد ءَ بھارتی سرکار ءَ یک رندے پدا ناشرکاری ءِ دروشم ءَ وتی شرمندگیں زلم ءُ زوراکی ءِ کسہ ءَ را گیش ءُ گیوار کتگ کہ ایشی ءَ چہ دمگی امن ءُ ایمنی ءَ را ھترہ ھست۔ ہندوستان ءِ لاپروائی ءِ سبب ءَ دوئیں ہمساہگیں ریاست مزنیں جیڑہ ءِ نزیک ءَ اتکگ انت۔ بدل بوھوکیں جاور ھال آنی تہ ءَ پاکستان ءَ را اقوام متحدہ ءِ منشور ءُ میاں اوستمانی کانود ءِ آرٹیکل 51 ءِ رد ءَ وتی ھب ءُ واھگ ءِ وھد ءُ جاگہ ءَ جوانیں رنگ ءَ پسو دیگ ءِ ھک ھست۔ بامن ءِ رد ءَ پاکستان ءِ سرکار، سلاہ بندیں اُرد ءُ راج ھندی زوراکی ءِ ھلاپ ءَ یکجاہ بنت ءُ پاکستان ءِ وت واجہی ءُ دمگی امن ءِ رکھینگ ءِ ھاترا گوں آہنی جزم ءَ کار کن اَنت۔
