ترکیہ ءِ دری کارانی وزیر ءَ نائب مزن وزیر اسحاق ڈار ءَ گوں گند ءُ نند کتگ، بھارت ءِ بے سوبیں زوراکی ءِ سر ءَ پاکستان ءَ گوں یکوئی ءِ درشانی کتگ

اسلام آباد۔7مئی (اے پی پی):ترکیہ ءِ دری کارانی وزیر ھاکان فدفان ءَ نائب مزن وزیر سارا محمد اسحاق ڈار ءَ گوں فون کتگ ءُ پاکستان ءِ وت واجہی ءِ ھلاپ ءَ بھارت ءِ بے سوبیں زوراکی ءُ بے گناہیں شہری آنی کوش ءِ سر ءَ ترکیہ ءِ گوں پاکستان ءَ یکوئی ءِ درشانی کتگ۔ چار شمبے ءِ روچ ءَ بیگاہ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ آھاں دمگی ایمنی ءِ ھراب بوھگ ءِ سر ءَ جیڈھ ءِ درشانی کتگ۔ دوئیں رہشوناں دیمروئی کنوکیں جاور ھال آنی سر ءَ نزیکیں ھمگرنچی ءِ تہ ءَ برجم دارگ ءِ سر ءَ تپاک کتگ۔