اسلام آباد۔7مئی (اے پی پی):پاکستان ءَ ترکیہ ءِ سفیر عرفان نظیر اوگلو ءَ چار شمبے ءِ بیگاہ ءَ نائب مزن وزیر ءُ دری کارانی وزیر محمد اسحاق ڈار ءَ گوں گند ءُ نند کت۔ آئی ءَ بھارت ءِ نیمگ ءَ پاکستان ءِ وت واجہی ءِ بے سوبیں لگتمالی ءُ بے گناہیں جانی جانی تاوان ءِ پد ءَ پاکستان ءِ گوما ترکیہ ءِ مھکمیں یکوئی ءِ درشانی کت۔ گند ءُ نند ءِ ساھت ءَ دوئیں نیمگ ءَ دمگی سیکورٹی جیڈھ آنی سر ءَ گہتری ءَ گپ ءُ تران کنگ بوت ءُ دمگی ھمگرنچی ءُ کمک ءِ برجائی ءِ واستہ وتی جزم ءِ پدا پدر کنگ بوت۔
