اسلام آباد۔7مئی (اے پی پی):وفاقی وزیر ءِ ھال ءُ اھوال عطا اللہ تارڑ ءَ گوشت کہ ھندوستان ءَ پاکستان ءِ تہ ءَ اُرش کنان ءَ بزدلی ءِ درشان کتگ۔ پاکستان ءِ موثر ءُ فیصلہ کنوکیں پسو ءَ پد بھارت ءَ لائن آف کنٹرول ءِ سرا اسپیتیں بیرک ءِ چست کنگ ءَ وتی شکست من اِتگ۔ بھارت پٹ ءُ پول ءَ چہ شُتگ ءُ شُتگ۔ مرچی ھم اگاں اُرش کنگ ءِ گپ بہ بیت گڑا شُت ءُ شُت کنت۔ چار شمبے ءِ روچ ءَ ادا مداسیا ءَ گوں تران کنان ءَ وفاقی وزیر ءِ اھوالکاری ءَ گوشت کہ بھارت ءَ شپ ءِ تہاری ءَ بے سلاہیں شہری، زالبول، زھگ ءُ مسیت آناں نشانگ جوڑ کتگ کہ اے جنگ ءِ اخلاقیات ءِ ھاسیں ھلاپ ورزی اِنت۔ آئی ءَ گوشت کہ پاکستان ءَ ھندی زوراکی ءِ سر ءَ باز رند ءَ گیش پسو داتگ، دژمن ءِ پنچ جنگی بالی گراب ءُ یک ڈرون ءِ تیرگواری کتگ، وھدیکہ لائن آف کنٹرول ءِ سر ءَ ھندی بازیں پوسٹر تباہ کنگ بوتگ اَنت۔ عطا اللہ تارڑ ءَ گوشت کہ مرچی بھارتی لشکر ءَ ھم وتی شکست من اِتگ ءُ ایر کپتگیں ٹائیگرز ءِ ملبہ پیش داشتگ اَنت۔ مئے فورسز ءَ دژمن ءِ سیمسراں کارروائی کت۔ وفاقی وزیر ءِ اھوالکاری ءَ گوشت کہ مئے بہادریں قوت آں گوں دلادی ءَ جاور ھال آنی دیمپانی کتگ، ءُ سرجمیں پاکستانی راج مرچی مئے بہادریں قوت آنی ھمراھی ءَ اوشتاتگ۔ عطا اللہ تارڑ ءَ گوشت کہ مزن وزیر ءَ مرچی راجی سلامتی کمیٹی ءِ دیوان گوانک جتگ، ایشی ءِ تہ ءَ استیں جاور ھال آنی سر ءَ جوانیں چار ءُ تپاسی کنگ بیت۔ آئی ءَ گْوشتگ کہ پاکستان ءَ پہلگام ءِ وئیل ءِ پٹ ءُ پول ءِ لوٹ کتگ بلے ھندوستان چہ ایشی ءَ ھم شُتگ ءُ مرچی اُرش ءَ پد ھمے وڑ ءَ شُتگ۔ پاکستان ءَ مرچی بھارت ءَ را لائکیں پسو داتگ ءُ بھارت مجبور بوتگ کہ آ ایس ڈی ایف ءِ بیرک ءَ چست بہ کنت۔ یک جست ءِ پسو ءَ وفاقی وزیر ءِ اطلاعات ءَ گشتگ کہ بھارتی میڈیا وت اے گپ ءَ منگ ءَ انت کہ آہانی بالی گراب تیرگواری کنگ بوتگ انت، ءُ گیشیں تاوان ءِ تفصیل زوت پدر کنگ بنت۔ آئی ءَ گوشت کہ پاکستان ءِ سلاھبند اُرد ءَ نہ ایوک ءَ جنگی ٹارگٹ نشانگ جوڑ کتگ، بلکینگ ءَ ھچ وڑیں شہری ھم نشانگ نہ کتگ، چیاکہ مئے سلاھبند اُرد پیشہ وارانہ رنگ ءِ رھبند آنی سر ءَ سرجمی ءَ پابند اَنت۔ عطا اللہ تارڑ ءَ گشتگ کہ جنگ ءَ ہم وتی آداب بنت، اگاں دژمن ہم است انت شہری مردماں نشانگ جوڑ کنگ ءَ شرم ءُ شرم کنگ مہ بیت۔ آئی ءَ گوشت کہ مرچی اھوالکار آنی ڈل ءَ را مریدکے ءُ بہاول پور ءَ برگ ءِ منصوبگ بندی کنگ بوتگ تانکہ میاں اوستمانی رسانکدر ءَ را اے پیش دارگ بہ بیت کہ اے دمگ آنی تہ ءَ ناشرکار آنی کیمپ نیست۔ آئی ءَ اے گپ پدر کت کہ پاکستان ناشرکاری ءِ ھلاپ ءَ جنگ ءِ تہ ءَ یک دیم ءِ ریاست اِنت، ایشی ءَ 90ہزار ءَ چہ گیش جان قربان کتگ اَنت۔ ہندوستان وت ناشرکاری ءِ تہا ھوار اِنت، آئی ءَ امریکہ، آسٹریا ءُ کڈ جاس مانک ءَ سکھانی کُشگ ءِ تہا ھوار کتگ، وھدے کہ پاکستان ءَ دزگیر بوتگیں ناشرکار کلبھوشن جادھو ناشرکاری ءِ کارانی تہا ھوار بوتگ۔ آئی ءَ گوشت کہ بھارت ءِ گور ءَ نہ دلال ءُ نہ ثبوت ءُ پہلگام ءِ وئیل ءِ منی ایف آئی آر وئیل ءَ چہ ایوک ءَ دہ منٹ ءَ پد درج کنگ بوتگ وھدیکہ پولیس یک ءُ نیم کلاک ءَ پد جاہ ءَ سر بوتگ۔ عطا اللہ تارڑ ءَ گوشت کہ سرجمیں راج پاکستانی سلاہ بندیں اُرد ءِ ھمک نیمگ ءَ اوشتاتگ۔ ما میاں اوستمانی رسانکدر ءِ دیم ءَ پاکستان ءِ موقف ھاسیں رنگ ءَ بیان کتگ اَت، وھدیکہ ھندوستان ءِ موقف ھچ جاہ ءَ گندگ نہ بوتگ اَت۔ آئی ءَ گوشت کہ بھارت چہ ترس ءِ جاہ ءَ اتکگ بلے وھدے کہ چیلنج ءِ دیم ءَ کپتگ گڑا آ گھبراہگ ءَ چہ شُتگ ءُ مرچی آ اسپیتیں بیرک ءِ ٹنگگ ءَ مجبور بوتگ۔
