اسلام آباد۔7مئی (اے پی پی):نائب مزن وزیر ءُ درئی کارانی وزیر محمد اسحاق ڈار ءَ گوں وتی ٹیم ءَ سرجمیں شپ ءَ وزارت ءِ درئی کار ءَ سرگرم بوتگ۔ چار شمبے ءِ روچ ءَ سھب ءَ پریس بریفنگ ءِ تہ ءَ درئی کارانی کارگس ءِ جارکش ءَ گوشت کہ محمد اسحاق ڈار ءَ جاور ھال آنی سر ءَ نگرانی برجاہ داشتگ ءُ المی ئیں پرمان آنی جاڑی کنگ ءَ اِنت۔ نائب مزن وزیر ءَ بزدلیں ھندی اُرشانی تہ ءَ 8 مردم شھید ءُ 35 ٹپی بوھگ ءِ تصدیق کتگ ۔ نائب مزن وزیر ءُ دری کارانی وزیر محمد اسحاق ڈار ءَ گوشت کہ شھید آنی گیشتریں کساس احمد پور شرقہل ءَ بوتگ۔ دری کارانی کارگس ءِ جارکش ءَ گوشت کہ نائب مزن وزیر ءِ ہدایت ءِ پد ءَ اقوام متحدہ ءَ پاکستان ءِ مستقل نمائندہ ءَ بھارت ءِ نیمگ ءَ چہ بوتگیں اُرش ءِ بابت ءَ سلامتی کونسل ءَ را سرپد کتگ۔ پاکستان ءِ مستقل نمائندہ ءَ سلامتی کونسل ءَ را بھارتی زوراکی ءِ سبب ءَ میاں اوستمانی امن ءُ ایمنی ءِ ھوپ ءِ بابت ءَ ھم سرپد کتگ۔ اقوام متحدہ ءِ سلامتی کونسل ءَ را گوشگ بوتگ کہ پاکستان ءَ وتی ھک ھست کہ آ ھندی زوراکی ءِ سر ءَ ھک ءِ وھد ءُ جاہ ءَ جوانیں پسو ءَ بہ دنت۔ جارکش ءَ گوشت کہ پاکستان ءَ اقوام متحدہ ءِ منشور ءِ آرٹیکل 51 ءِ رد ءَ وت ءَ را رکھینگ ءِ واستہ بھارتی زوراکی ءِ پسو دیگ ءِ ھک وتی گور ءَ وتی گور ءَ دار ایت۔
