اسلام آباد۔ 07مئی (اے پی پی) اسپیکر قومی اسمبلی سردار ایاز صادق بھارت ناکنڈآن پاکستان آ جلہو نا ترند انگا لوز آتیٹی مذمت ءِ کرسا پارینے کہ بھارت نا نن نا تہاری ٹی جلہو بھاز لغوری نا عمل اسے۔ چارشنبے نادے آ تینا مذمتی بیان اٹی او پارے کہ بھارت سول آبادی آ جلہو کرسا جہانی کانود نا خلاف ورزی ءِ کرینے۔ پاکستان نا سلہہ بند فوج انا کنڈآن لغور …
بھارت سول آبادی آ جلہو کرسا جہانی کانود نا خلاف ورزی ءِ کرے، اسپیکر قومی اسمبلی
گیشتریں ھال
اسلام آباد۔ 07مئی (اے پی پی) اسپیکر قومی اسمبلی سردار ایاز صادق بھارت ناکنڈآن پاکستان آ جلہو نا ترند انگا لوز آتیٹی مذمت ءِ کرسا پارینے کہ بھارت نا نن نا تہاری ٹی جلہو بھاز لغوری نا عمل اسے۔ چارشنبے نادے آ تینا مذمتی بیان اٹی او پارے کہ بھارت سول آبادی آ جلہو کرسا جہانی کانود نا خلاف ورزی ءِ کرینے۔ پاکستان نا سلہہ بند فوج انا کنڈآن لغور دشمن نا جلہو نا پبی ورندی ءِ تننگانے۔ اسپیکر قومی اسمبلی پاکستان نا سلہہ بند فوج ءِ بھارتی جارحیت نا پبی ورندی تننگ آ پاک فوج ءِ خراج تحسین پیش کرے وپارے کہ پاکستان نا سلہہ بند فوج پبی لائخی اٹ دشمن نا جارحیت نا ورندی ءِ تننگ ءِ۔ بھارت جارحیت نا بناءِ کرسا پاکستان نا صبر انا امتحان ءِ ہلکنے۔ لغور دشمن تینا انجام ءِ تینٹ خنک۔ مچ آ قوم پاکستان نا فوج اتون چٹان آنبار سلوک ءُ ، 24 کروڑ الس بھارت نا برخلاف مسلط کروک جنگ کیرہ ۔ پاک فضائیہ مدام دشمن ءِ دندان شکن ورندی تسنے۔ قوم و فوج انا حوصلہ غاک بڑز ءُ، دشمن بے سہب مریک۔ بھارت پاکستان نا امن نا است خواہی ءِ نزوری تکا، بھارت ءِ سخت نتیجہ غاتون مون تروئی تمک، مچ آ قوم پاکستان نا فوج انا سرسہبی کن دعاکننگ ءِ۔
