اسلام آباد۔ 07مئی (اے پی پی) بنجائی وزیر ڈٹ بندی، شونداری ، اصلاحات و خصوصی گام گیج پروفیسر احسن اقبال بھارت نا کنڈآن پاکستان نا برخلاف جارحیت نا ترند انگا لوز آتیٹی مذمت ءِ کرینے۔ اوپارے کہ دا گام پاکستان نا وتواجہی نا خلاف ورزی اسہ بھلو اشتعال انگیزی اسے ہرا جہانی کانود و اقوام متحدہ نا چارٹر نا خلاف ورزی ءِ۔ پروفیسر احسن اقبال پارے کہ کودک شاری، ہرافتے ٹی زالبول و اسہ کودک چناس ہم اوار ءِ، نا بہیمانہ خون اسہ ناقابل معافی ڈوہ اسے۔ دا ظلم وبربریت ءِ ہچ ءُ حالیت اسے ٹی گوجالنگ مفک۔ اومستی پارے کہ پاکستان ءِ تینا الس و علاقائی سالمیت نا رکھ اکن فیصلہ کن گام کننگ ناپورو حق دوئی ءِ۔ نن ہر جارحیت نا پبی ورندی ءِ تننگ نالائخی و عزم تخنہ۔ بنجائی وزیر جہانی برادری، اقوام متحدہ، انسانی حق انا تنظیم و امن نا جہانی علمبردار آتیان خواست کرے کہ او بھارت نا دا غیرکانودی گام انا نوٹس ءِ ہلیر و سویلی ایشیانا امن وسوگوی ءِ بچفنگ اٹ تینا کڑد ءِ ادا کیر۔
