اقوام متحدہ ۔ 07مئی (اے پی پی) اقوام متحدہ ٹی پاکستان نا سفیر عاصم افتخار احمد نائب وزیراعظم و وزیرخارجہ اسحاق ڈار نا پارت آتیا عمل کرسا جہانی ادارہ نا بڑزکو راہشون آتون رابطہ کرے و اوفتے پاکستان و آزاد کشمیر نا چندی بشخ آتیا بھارت نا چندی میزائل جلہو آتیان ملک انا وتواجہی و جہانی کانود خلاف ورزی نا بارواٹی معلومدار کرے۔ پاکستانی مشن نا پریس ریلیز نا رداٹ سفیر عاصم افتخار احمد سلامتی کونسل و جنرل اسمبلی نا صدر آتون اوار اوار اقوام متحدہ نا سیکرٹری جنرل انتونیوگوتریش ءِ بھارت نا جارحیت آن معلومدار کرے ہراڑآن جہانی امن وسلامتی ءِ خطر ہءِ۔ پریس ریلیز اٹی پاننگانے کہ پاکستان اقوام متحدہ نا چارٹر نا آرٹیکل 51 اٹی نوشتہ تینا دفاع نا حق انا رداٹ تینا پسند نا وخت و جاگہ غا داجارحیت نا جوان ورندی ءِ تننگ نا حق تخک۔ داکان مست سیکرٹری جنرل انتونیوگوتریش لائن آف کنٹرول و پاکستان تون جہانی سیم آ بھارتی فوجی کارروائی تیا گڑتی نا درشانی ءِ کرسا ہڑتوم آملک آتیان تحمل نا خواست کرے۔

متعلقہ مضامینمصنف کی طرف سے مزید