اسلام آباد۔ 07مئی (اے پی پی) نائب وزیراعظم و وزیرخارجہ محمد اسحاق ڈار تینا ٹیم اتون اوار مچ آ نن وزارت خارجہ ٹی متحرک ئس۔ ترجمان دفترخارجہ چارشنبے نا سہب اتون جاری بیان اٹی پارے کہ محمد اسحاق ڈار حالیت آتا مانیٹرنگ تون اوار اوار المی پرمان جاری کرسا کرے۔ نائب وزیراعظم بھارتی لغوری جلہو آتیٹی 8 بندغ آتا شہید و 35 بندغ آتا ٹھپی مننگ ءِ پک کرے۔ نائب وزیراعظم ووزیرخارجہ محمد اسحاق ڈار پارے کہ غٹ آن زیات شہیداحمد پور شرقیہ ٹی مس۔ ترجمان دفترخارجہ پارے کہ نائب وزیراعظم نا پارت آ اقوام متحدہ ٹی پاکستان نا آخبتی مندوب بھارت نا کنڈآن جلہو نا بارواٹی سلامتی کونسل ءِ معلومدار کرے، پاکستان نا آخبتی مندوب سلامتی کونسل ءِ بھارتی جارحیت نا سوب آن جہانی امن و سلامتی ءِ خطرہ نا بارواٹی معلومدار کرے۔ اقوام متحدہ سلامتی کونسل ءِ پاننگاکہ پاکستان جوان وخت و ہند آ بھارتی جارحیت نا باقاعدہ ورندی نا حق تخک۔ ترجمان پارے کہ پاکستان اقوام متحدہ چارٹرنا آرٹیکل 51 نا رداٹ تینا دفاع نا حق اٹی بھارتی جارحیت نا ورندی نا حق تخک۔

متعلقہ مضامینمصنف کی طرف سے مزید