راولپنڈی ۔7مئی (اے پی پی): پاکستان ءِ سلاہ بندیں اُرد ءِ جارکش لیفٹیننٹ جنرل احمد شریف چوہدری ءَ بھارت ءِ نیمگ ءَ پاکستان ءِ جتاجتائیں جاھانی سر ءَ میزائل اُرشانی ھال شنگ کنگ بوتگ اَنت۔ بھارت ءَ پاکستان ءِ 6 جاھاں 24 اُرش کتگ۔ اے اُرشانی تہ ءَ 3 سالی جنک ءُ یک جنینے ءَ ھوار 8 مردم شھید بوتگ اَنت، 35 لس مردم ٹپیگ بوتگ اَنت ءُ 2 مردم بیگواہ اِنت۔ پاکستانی لشکر دژمن ءِ بزدلیں، بے سوب ءُ بے جاہیں اُرش ءِ پسو ءَ گوں راج ءِ کمک ءَ کنگ ءَ اِنت ءُ دیم ءَ ھم پسو دنت۔ روچ ءِ تہا میان استمانی ءُ بنجاہی رسانکدراں اے جاہانی تر ءُ تاب کنگ بیت دانکہ ہندوستان ءِ نندگی زوراکی دنیا ءَ بہ گندیت۔ چار شمبے ءِ روچ ءَ سھب ءَ میڈیا ءَ را بریفنگ کنان ءَ پاک فوج ءِ پبلک ریلیشنز ڈائریکٹر جنرل لیفٹیننٹ جنرل احمد شریف چوہدری ءَ گوشت کہ سئے شمبے ءُ چار شمبے ءِ نیام ءَ شپ ءَ بزدلیں بھارت ءَ پاکستان ءِ سر ءَ بے رھبندیں اُرش کنان ءَ بے گناہیں شہری آناں نشانگ جوڑ کتگ۔ آئی ءَ گوشت کہ بے گناہ ءُ بے دیمپان یں مردم نشانگ جوڑ کنگ بوتگ اَنت۔ بھارت ءَ پاکستان ءِ شش جاہانی سر ءَ جتا جتائیں سلاہانی کارمرد کنگ ءَ 24 اُرش کتگ کہ ایشی ءِ تہ ءَ 8 پاکستانی شھید بوتگ اَنت، 35 لس مردم ٹپیگ بوتگ اَنت ءُ دو مردم بیگواہ اِنت۔ آئی ءَ گوشت کہ دژمن ءَ احمد پور مشرقی ھند ءَ سبحان مسجد نشانگ جوڑ کتگ۔ ادا چار ارش کنگ بوتگ کہ ایشی ءِ تہا پنچ بے گناہیں پاکستانی شہید کنگ بوتگ انت کہ آہانی تہا یک سئے سالی بے گناہیں جنک ءُ دو زالبول ہوار انت۔ اے جاہ ءَ 31 شہری ٹپیگ بوتگ اَنت کہ آھانی تہ ءَ 25 مردین ءُ 6 جنین ھوار اَنت۔ ادا یک مسیتے شہید کنگ بوتگ ءُ چار ھاندان ءِ کوارٹر تباہ کنگ بوتگ انت۔ آئی ءَ گوشت کہ دژمن ءَ مظفر آباد ءَ شاہی والا نلہ ءَ مسجد بلال نشانگ جوڑ کتگ۔ دژمن ءِ ھپت اُرش بوتگ کہ ایشانی تہ ءَ یک جنکے ٹپی بوتگ ءُ یک مسیتے تباہ بوتگ۔ ڈی جی آئی ایس پی آر ءَ گشتگ کہ کوٹلی ءَ مسیت عباس دژمن ءِ نشانگ انت۔ ادا 5 ہڑتال بوتگ انت کہ آہانی تہا دو مردم شہید بوتگ انت۔ اے اُرش ءَ 16 سالی جنک ءُ 18 سالی بچک ھوار بوتگ اَنت ءُ مات ءُ جنک ٹپیگ بوتگ اَنت۔ دژمن ءَ مرید ءِ یک مسیتے نشانگ جوڑ کتگ۔ اِدا چار ہڑتال کنگ بوتگ، یک ورناھے شہید بوتگ ءُ یکے ٹپی بوتگ، وھدیکہ دو مردم گار ءُ بیگواہ اِنت۔ مسجد سرجم ءَ شہید بوتگ ات، ءُ گریبیں مردمانی کوارٹراں تاوان رستگ ات۔ سیالکوٹ ءِ کوٹلی لوہاران ءِ میتگ ءَ دژمن ءِ نیمگ ءَ دو ارش کنگ بوتگ ۔ یک گولہ یے تراک نہ کتگ ءُ دومی گولہ پچیں میدانے ءَ ایر کپتگ۔ شاکر گڑھ ءِ نزیک ءَ دژمن ءِ نیمگ ءَ دو اُرش کنگ بوتگ کہ یک ڈسپینسری یے ءَ تاوان رستگ۔ آئی ءَ گوشت کہ پاکستانی سلاہ بندیں اُرد دژمن ءِ بزدلیں، بے سوب ءُ بے جاہیں اُرش ءِ پسو ءَ گوں الس ءِ کمک ءَ کنگ ءَ اَنت ءُ دیم ءَ ھم ھمے رنگ ءَ کن اَنت۔ آئی ءَ گوشت کہ میاں اوستمانی میڈیا گوستگیں روچ ءَ ھمے ھند آنی تہ ءَ برگ بوتگ انت پرچا کہ آ ھمے ھند ءُ دمگ آنی بابت ءَ بے جاہیں گپ آنی سر ءَ پدریں رنگ ءَ آماچ بوتگ انت۔ سئے شمبے ءِ روچ ءَ شپ ءَ حکومت ءِ نیمگ ءَ چہ اے جار جنگ بوتگ کہ چار شمبے ءِ سہب ءَ میاں اوستمانی ءُ بنجاہی رسانکدر مریدکے ءُ بہاول پور ءِ تر ءُ تاب ءَ کنگ ءَ انت۔ آئی ءَ گوشت کہ روچ ءِ تہ ءَ میاں اوستمانی ءُ بنجاہی رسانکدر ءَ اے جاھاں برگ بیت تانکہ دُگنیا ءَ بھارت ءِ نندگی زوراکی ءَ بہ گندیت۔
