صدر آصف زرداری ءَ پاکستان ءِ سر ءَ بھارتی زوراکی ءِ سک باز مذمت کتگ، گْوشتگ کہ پاکستان زوراکی ءِ لائکیں ءُ لائکیں پسو ءَ دنت، صدر ءِ مملکت ءَ گْوشتگ

اسلام آباد۔7مئی (اے پی پی): صدر آصف علی زرداری ءَ پاکستان ءِ سر ءَ شہری آبادی ءَ را نشانگ جوڑ کنگ ءَ بھارت ءِ سرحد ءِ سرا زوراکی ءِ سک باز مذمت کتگ ءُ گوشت کہ پاکستان بھارت ءِ زوراکی ءِ لائکیں ءُ لائکیں پسو ءَ دنت۔ صدر ءِ مملکت کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ پاکستان ءِ وت واجہی ءُ سرزمین ءِ یکوئی ءِ رکھینگ ءِ واستہ بھارتی اشتعال انگیزی آنی سرجمیں زور ءُ بے مٹیں جزم ءِ گوما دیم پہ دیم کنگ بیت۔ آئی ءَ گوشت کہ شہری دمگ آناں نشانگ جوڑ کنگ ءُ بے سوبیں بھارتی اُرش میاں اوستمانی کانود، اقوام متحدہ ءِ منشور ءُ پاکستان ءِ وت واجھی ءِ ھاسیں ھلاپ ورزی اِنت۔ صدر آصف علی زرداری ءَ گوشت کہ سرجمیں پاکستانی راج وتی بہادریں سلاہ بندیں اُرد آنی پُشت ءَ یکجا اِنت، ھندوستان ءِ بزدلیں کار یک فاشسٹ سرکار ءِ راستیں دیم ءَ پدر کن اَنت۔ آئی ءَ گوشت کہ بھارتی حکومت وتی سیاسی ایجنڈا ءَ را دیم ءَ برگ ءِ واستہ دمگی امن ءُ ایمنی ءَ را داؤ ءَ ایر کنگ ءَ تیار انت۔ صدر ءِ مملکت ءَ گوں یکوئی ءَ گوشت کہ پاکستان ءِ سلاھ بندیں اُرد ماتیں وطن ءِ ھمک انچ ءِ رکھینگ ءِ واستہ سرجمی ءَ تیار ءُ توان ءِ واھند اَنت۔