اسلام آباد۔7مئی (اے پی پی): نائب مزن وزیر ءُ درئی کارانی وزیر سینیٹر اسحاق ڈار ءَ بھارت ءِ زوراکی ءِ سک باز مذمت کتگ ءُ گوشت کہ بھارت ءَ اقوام متحدہ ءِ منشور ءُ میاں اوستمانی کانود ءِ بے دروریں ھلاپ ورزی کتگ۔ سئے شمبے ءُ چار شمبے ءِ نیام ءَ شپ ءَ سوشل نیٹ ورکنگ ویب سائٹ ایکس ءِ سر ءَ جاڑی بوتگیں بیان ءِ تہ ءَ نائب مزن وزیر ءَ گوشت کہ ما وتی حاکمیت ءُ سرزمین ءِ یکوئی ءِ رکھینگ ءَ ھمک رنگ ءَ کن ایں ۔ آئی ءَ گوشت کہ بھارتی زوراکی پاکستان ءِ وت واجہی ءِ سر ءَ ارش انت ۔
