اسلام آباد۔7مئی (اے پی پی): وزیر دیمپان خواجہ محمد آصف ءَ گشتگ کہ بھارت ءَ پاکستان ءِ ماحول ءَ کارمرز کنگ ءِ ہمت نیست، پاکستان لائکیں پسو ءَ دنت، وام کوھن ءُدراج نہ بنت، وام زوت ادا کنگ بیت، میاں اوستمانی رسانکدر ہما جاہانی تر ءُ تاب ءَ بہ کنت کہ ہندوستان ءَ نشانگ جوڑ کتگ انت دانکہ ہندوستان ءِ نشانگ جوڑ کنگ بہ بیت۔ شپ ءِ دیر ءَ گوں یک نجی ٹی وی چینلے ءَ گپ ءُ تران کنگ ءَ ات۔ وزیر دیمپان خواجہ محمد آصف ءَ گشتگ کہ بھارت ءَ پاکستان ءِ جتاجتائیں جاہ نشانگ جوڑ کتگ انت۔ ھندوستان ءَ چہ وتی اسپیس دمگ ءَ میزائل شنگ کتگ اَنت، مسیت ءُ لس مردم شھید کنگ بیتگ اَنت، ایشانی تہ ءَ زھگ ءُ جنین ھم ھوار اَنت ءُ ھندوستان اے دعویٰ کنگ ءَ اِنت کہ من ناشرکارانی سر ءَ اُرش کُتگ، اے راست نہ اِنت۔ آئی ءَ میاں اوستمانی میڈیا ءَ را دعوت دات کہ آ بھارت ءِ نیمگ ءَ نشانگ جوڑ بوتگیں جاھاں کوریج بہ کن اَنت تانکہ بھارت ءِ دروگ پدر بہ بنت۔ بھارت ءَ پاکستان ءِ اسپیس دمگ ءِ کارمرد کنگ ءِ ھمت نیست۔ ایشاں چہ وتی اسپیس دمگ ءَ میزائل شنگ کتگ۔ وزیر دیمپان ءَ گوشت کہ ما پیسر ءَ گوشتگ ات کہ پہلگام ءِ واکیہ ءِ بابت ءَ میاں اوستمانی پٹ ءُ پول کنگ بہ بیت۔ نوں ما ھمے گْوشگ ءَ ایں کہ میان استمانی رسانکدر وت بچار اِیت کجام ناشرکاری اُرش بوتگ اَنت کہ اودا بے میاریں چُک شھید کنگ بوتگ اَنت ءُ جنین آدم ٹپیگ بیتگ اَنت۔ آئی ءَ گوشت کہ پاکستان تچکیں پسو ءَ دنت، وام دراجیں مدتی نہ بیت، وام زوت ادا کنگ بنت۔ وزیر دیمپان ءَ گوشت کہ پہلگام ءِ وئیل ءَ پد کجام ملک تاں انوگ ءَ پدریں رنگ ءَ بھارت ءِ حمایت ءَ دراتکگ اَنت۔ آئی ءَ گوشت کہ پاکستان سفارتی ءُ فوجی تک ءَ سرجمی ءَ پسو ءَ دنت ۔
