چالاکی دژمن ءَ پاکستان ءِ سر ءَ بزدلی اُرش کتگ، جوانیں پسو دیگ بوھگ ءَ اِنت، دژمن ءَ را ھچبر وتی ناپاکی ءِ مول ءُ مراداں سوبمند بوھگ ءِ اجازت دیگ نہ بیت، مزن وزیر شہباز شریف

اسلام آباد۔7مئی (اے پی پی): مزن وزیر محمد شہباز شریف ءَ گشتگ کہ پاکستان ءِ پنچ جاہ ءِ سرا چالاکی دژمن ءَ بزدلی ارش کتگ ۔ پاکستان ءَ را ھرچ وڑیں ھک ھست کہ آ ھندوستان ءِ نیمگ ءَ ایر کنگ بوتگیں اے جنگی کارروائی ءِ سر ءَ لائکیں پسو یے بہ دنت ءُ لائکیں پسو دیگ بوھگ ءَ اِنت۔ دژمن ءَ وتی ناپاکی ءِ مول ءُ مراداں ھچبر سوبمند بوھگ ءِ اجازت نہ دیگ بیت۔ سئے شمبے ءُ چار شمبے ءِ میانجی ئیں شپ ءَ استیں جاور ھال آنی ھوالگ ءَ وتی بیان ءَ مزن وزیر محمد شہباز شریف ءَ گوشت کہ سرجمیں راج پاکستانی سلاہ بندیں اُرد ءِ گوما اوشتاتگ ءُ سرجمیں پاکستانی راج ءِ حوصلہ ءُ جزبگ برز انت۔ مزن وزیر ءَ گوشت کہ پاکستانی راج ءُ پاکستانی سلاہ بندیں اُرد دژمن ءِ گوما جوانیں رنگ ءَ دیم پہ دیم بوھگ ءَ زاننت ءُ دژمن ءَ را کدی ھم وتی ناپاکی ءِ مول ءُ مراد آنی تہ ءَ سوبمند بوھگ ءِ موہ نہ دنت۔