راولپنڈی ۔6مئی (اے پی پی): ریلوے ءِ بنجاھی وزیر محمد حنیف عباسی ءَ گشتگ کہ بھارت ءِ آپی زوراکی ءِ سرا لائکیں پسو دیگ بیت۔ پاکستان ءَ امن ءُ ایمنی ءَ را ترجی داتگ ۔ سرجمیں پاکستانی راج جنگ ءِ وڑیں نگیگیں جاورانی تہ ءَ گوں وتی لشکراں اوشتاتگ گندگ بیت۔ اے ملک ءِ یک پارٹی یے ءَ انچیں بدیں چاگردے جوڑ کنگ ءِ جہد کتگ کہ اے ملک بے رھبندی ءِ نیمگ ءَ بہ روت۔ سئے شمبے ءِ روچ ءَ راولپنڈی ءَ میڈیا ءَ گوں تران کنان ءَ ریلوے ءِ وزیر حنفا عباسی ءَ گوشت کہ آپ ءِ جیڈھ ءِ سر ءَ ما بھارت ءَ را داتگیں کلوہ ساچگ انت۔ اگاں تو آپ ءَ بند بہ کن ئے ما پہ جنگ ءَ ساڑی ایں ۔ ہندوستان ءَ پروپیگنڈا ءِ تہا درستیں حد ءُ سیمسراں چہ ٹپّ اِتگ۔ اے گرانیں وھد ءَ کہ ما جنگ ءِ جاوراں ئیں مئے ملک ءِ یک پارٹی یے ءِ مردم انچو گمان بیت کہ سازشانی تہا ھوار انت۔ ما وتی ملک ءَ بوتگیں ہر ناشرکاری ءِ کارروائی ءِ ہندوستان ءَ را ثبوت داتگ۔ ہاں دنیا زانت کہ کجام ناشرکاریں ملک کجام اِنت۔ بھارت ہچ وڑیں وہم ءِ چیر ءَ مہ بیت۔ ما مدام امن ءَ را ترجیح داتگ۔ بلے اگاں کسے اے جیڑ ایت کہ ما جنگے کت نہ کنیں گڈا اے ہندوستان ءِ وہم انت۔ آئی ئَ گوشت کہ ھندوستان ئِ واستہ مزنیں ردی ئِ بیت کہ مئے یک جنگے ئِ توک ئَ را کم بہ کنت۔ ریلوے ءِ وزیر ءَ راجی جزم ءِ یک رندے پدا گوشت کہ پاکستان بھارت ءِ نیمگ ءَ چہ ھچ وڑیں زوراکی ءِ دلگوش نہ کنت بلکیں پسو ءَ دنت۔ آئی ءَ گیش گوشت کہ پہلگام اُرش ءِ پٹ ءُ پول ءَ پاکستان ءَ کمک لوٹ اِتگ بلے بھارت ءَ ایشی ءَ چہ چک ءُ پد بوتگ۔
