اسلام آباد۔6مئی (اے پی پی): وانگ ءُ زانگ ءُ تربیت ءِ بنجاھی وزیر ڈاکٹر خالد مقبول صدیقی ءَ وانگ ءُ زانگ ءِ بنجاھی بورڈ ءِ تر ءُ تاب کتگ۔ بنجاھی بورڈ ءِ چیئرمین ڈاکٹر اکرام علی ملک ءُ مزنیں افسر آنی ٹیم ءَ بنجاھی وزیر ءَ را وش اتک کت ءُ وانگ ءُ زانگ بورڈ ءِ کارروائی ءُ منصوبگ آنی بابت ءَ سرجمیں بریفنگ دات، ایشی ءِ تہ ءَ چیئرمین ءَ بورڈ ءِ کار، آئی ءِ ڈھانچہ، دائرہ کار ءُ راجی وانگ ءُ زانگ ءِ نظام ءِ تہ ءَ آئی ءِ موثر کرد ءِ سر ءَ چمشانک دات۔ آئی ءَ گوشت کہ فیڈرل بورڈ ءَ 2015 ءَ پی ایس ڈی پی ءِ کمک ءَ چہ ’’پنسل ءَ چہ پکسل ءَ سفر‘‘ ءِ وژن ءِ گوما یک شفاف، ٹیکنالوجی ءِ سر ءَ بنیات ءِ چکاس ءِ نظام ءُ یک موثر سروس ڈیلیوری ماڈل ءِ دیمروئی ءِ مول ءُ مراد ءِ گوما پی ایس ڈی پی ءِ کمک ءَ چہ وانگ ءُ زانگ ءِ منصوبگ بندات کتگ۔ چیئرمین ءَ بورڈ ءِ ٹیکنالوجی ءِ شمولیت ءُ سروس اصلاحات ءِ تہ ءَ تاں انوگ ءَ بوتگیں دیمروئی ءِ سر ءَ زور پر دات کہ اے گپ ءِ ثبوت اِنت کہ فیڈرل بورڈ وت ءَ را میاں اوستمانی معیار ءِ رد ءَ نوکیں رنگ ءَ جوڑ کنگ ءِ ھاترا جزم اِنت۔ ایشی ءَ پد بنجاھی وزیر ءَ جتا جتائیں محکمہ آنی سر ءَ سرجمیں تر ءُ تاب کت، ایشی ءِ تہ ءَ نوکیں پرنٹنگ یونٹ، ای شیٹ آنی اسکیننگ ءُ پروسیسنگ ءِ واستہ ڈیٹا سینٹر ءُ ون ونڈو آسراتی سینٹر ھوار اَنت۔ آئی ءَ فیڈرل بورڈ ءِ سرجمیں ڈیٹا سروس ءِ ترسیل ءِ نظام دیستگ ءُ آئی ءِ شفافیت، رفتار ءُ پیشہ وارانہ صلاحیت ءَ چہ متاثر بوتگ۔ وزیر تعلیم ءَ وتی تران ءِ تہا گوشت کہ بنجاھی بورڈ ءِ اے نوکیں گامگیج ملک ءِ ایندگر وانگ ءُ زانگ بورڈ آنی نیمگ ءَ چہ تقلید کنگ ءِ لائق انت۔ آئی ءَ وتی جزم ءِ درشان کت کہ بنجاھی حکومت اے ماڈل ءِ زورگ ءِ تہ ءَ سرجمیں ملک ءَ صوبائی بورڈ آناں سرجمیں کمک ءَ کنت تانکہ چکاس ءِ نظام ءَ ھمگرنچی ءُ مہارت آنی تہ ءَ گہتری ءِ ھاترا جھد کنگ بہ بیت۔ آئی ءَ گیش گوشت کہ اے وڑیں گامگیج وانینگ ءُ زانگ ءِ تہ ءَ گہتری ءِ تہ ءَ المی کرد پیلو کت کن اَنت۔
