اسلام آباد۔6مئی (اے پی پی): وزیر مملکت طلال چوہدری ءَ گوں سعودی عرب ءِ منشیات ءِ ھلاپ ءَ جرائم ءِ ڈائریکٹر جنرل جنرل محمد بن سعدہ القرنی ءَ گند ءُ نند کت، ایشی ءِ تہ ءَ منشیات ءِ ھلاپ ءَ کارروائی ءِ پڑ ءَ دو نیمگی کمک ءَ را گیش کنگ ءِ سر ءَ تپاک کت۔ وزیر ءِ مملکت طلال چوہدری ءَ گوشت کہ پاکستان ءَ منشیات ءِ ھوالگ ءَ زیرو ٹولرنس پالیسی است انت۔ منشیات ءِ سوداگری یک میان استمانی جیڑھے ۔ اے آفت ءَ را دوستیں ملک آنی نیام ءَ یکے دومی ءِ کمک ءَ چہ ایوک ءَ کنٹرول کنگ بیت۔ آئی ٹی اے نارکوٹکس فورس ءِ وسیلگ ءِ کم بوھگ ءِ باوجود جوانیں کارکردگی پیش دارگ ءَ انت۔ وزیر ءِ مملکت ءَ گوشت کہ گوستگیں سال ءَ 21 ارب ڈالر ءِ منشیات دست کپتگ، ملک ءَ 40درسد ءَ چہ گیش منشیات اوگانستان ءَ جوڑ کنگ بیت، پاکستان ءَ ناجائزیں مہاجر آنی ھلاپ ءَ کارروائی کنگ ءِ مستریں سبب منشیات ءُ ناشرکاری ءِ جیڈھ انت۔ میجر جنرل محمد بن سعد القرنی ءَ گوشت کہ ھر شوبگ ءَ مئے پاکستان ءِ گوما مثالی ءُ براتی سیادی است انت، منشیات ءِ آفت ءَ را جوانیں رنگ ءَ ھلاسی ءِ واستہ مارا یکجائی ءَ کار کنگ لوٹ ایت۔ اے ڈل ءِ تہ ءَ سعودی عرب ءِ سفیر نواف بن سعد المالکی، میجر جنرل ترکی بن عبدالعزیز، بریگیڈیئر راجی بن مسلم، لینیٹ ءِ نواف بن محمد الحنکی، فواز بن خالد ءُ کرنل سعد محمد ھوار اتنت۔ اے موہ ءِ سر ءَ بنجاھی سیکرٹری داخلہ محمد خرم آغا، ایڈیشنل سیکرٹری داخلہ ءُ اینٹی منشیات فورس ءِ مزنیں افسر ھم ھوار اتنت۔ طلال چوہدری ءَ بنجاھی وزیر داخلہ محسن نقوی ءِ نیمگ ءَ ڈل ءَ را اعزاز ءِ ڈھال دات ءُ آہانی واستہ نیکیں واھگ آنی کلوہ ھم دات۔
