اسلام آباد۔6مئی (اے پی پی): ملک ءِ جتا جتائیں سیاسی گل آنی باسک آنی سر ءَ ھواریں راجی اسمبلی ءَ بھارت ءِ دروگیں پرچم ءِ آپریشن ءَ را سدک رد کتگ ءُ اے گپ پدر کتگ کہ اگاں بھارت اُرش کنگ ءِ کوشست بہ کنت گڈا 25کروڑ مردم وتی ملک ءِ رکھینگ ءِ واستہ تیار اَنت۔ پہلگام ءِ ناشرکاری ءِ ایف آئی آر مودی ءُ میڈیا ءِ ھلاپ ءَ اِنت۔ پلواما ڈرامہ ءِ مول ءُ مراد، مقبوضہ کشمیر ءُ پہلگام ءِ دروگیں پرچم ءِ خاصیں حیثیت ءِ ھلاس کنگ پاکستان ءِ آپ ءِ بند کنگ بوتگ۔ اگاں ہندوستان دگہ چوشیں گامگیج بہ زوریت گڑا اے جنگ ہندوستان ءِ تہا جنگ بیت۔ سئے شمبے ءِ روچ ءَ راجی اسمبلی ءِ دیوان ءَ پاکستان ءُ بھارت ءِ نیام ءَ استیں جاور ھال آنی سر ءَ برجاھیں بحث ءَ بھر زوری کنان ءَ ایم این اے اسد نذری ءَ گوشت کہ بھارتی حکومت ءَ بھارتی مقبوضہ جموں کشمیر ءَ مدام اے وڑیں گامگیج کتگ ءُ گوستگیں پہلگام ءِ وئیل ھم مزن وزیر مودی ءِ سر ءَ پاکستان ءِ سیاسی حکمت عملی اِنت۔ اے رھبند مذمت ءِ لائک اِنت۔ آئی ءَ گوشت کہ بھارت ءِ نیمگ ءَ سندھ ءِ آپانی معاہدہ ءِ مھتل کنگ ءِ کوشست میاں اوستمانی کانود ءِ ھاسیں ھلاپ ورزی اِنت۔ ہندوستان وتی مرضی ءَ اے معاہدہ ءَ معطل کت نہ کنت۔ ورلڈ بینک اے معاہدے ءِ سرا دستخط کنوک انت۔ ایم این اے اسد نازی ءَ گوشت کہ بھارت کجام ھم کانود ءِ ھلاپ ورزی ءِ کوشست ءَ کنت گڈا سلاہ بندیں اُرد پسو دیگ ءِ واستہ سرجمی ءَ تیار انت۔ ایم این اے اجاز حق ءَ درستیں سیاسی گل آنی یکوئی ءِ ستا کرتگ وھدے کہ آہاں پہلگام ءِ وئیل ءِ مذمت ءِ منوگری منظور کتگ ءُ راجی سلامتی کمیٹی ءِ پیسلہ آنی حمایت کتگ۔ بھارت ءُ پاکستان ءِ نیام ءَ دیراں چہ استیں کش ءُ چیل ءِ ھوالگ ءَ آئی ءَ گوشت کہ بھارت ءَ ھر وھد ءَ تجاوزات ءِ کوشست کتگ گڈا پاکستان ءِ سلاہ بندیں اُرد ءَ مدام مھکم ءُ جوانیں پسو داتگ۔ آئی ءَ گوشت کہ مئے بہادریں اُرد ءَ مدام راج ءِ رکھینگ کتگ ءُ بھارت ءِ نیمگ ءَ چہ ھرچ وڑیں تجاوزات ءَ را پد ءُ رند کتگ۔ جمعیت علماء اسلام ءِ ایم پی اے عبدالغفور حدری ءَ گوشت کہ نریندر مودی آیوکیں گچین کاری ءِ واستہ انچیں حکمت عملی جوڑ کنگ ءَ اِنت تانکہ آ بھارت ءَ ہندو ازم ءَ را دیم ءَ برگ ءَ بہ کنت۔ پاکستان پیپلز پارٹی ءِ راجی اسمبلی ءِ باسک شہلا رضا ءَ گوشت کہ بھارت ءِ دروگیں بیرک ءِ گامگیج گوستگیں وھد ءَ ھمے وڑیں آپریشن آنی وڑ ءَ دروگ ثابت بوتگ۔ آئی ءَ گوشت کہ پاکستان کجام ھم حد ءَ آپ ءِ واستہ روت۔ آئی ءَ گوشت کہ مقبوضہ کشمیر ءِ ھون ءِ دریا ریچگ ءَ اسرائیلی جوڑ بوھگ ءِ کوشست ءَ انت۔ آئی ءَ گوشت کہ پاکستان ءَ انوگ ءَ تاں چار جنگ بھارت ءِ گوما کتگ ایشانی تہ ءَ درست دروگیں پرچم آپریشن ءِ بنیات بوتگ انت۔ آئی ءَ گوشت کہ اقوام متحدہ ءَ اے جاور آنی تہ ءَ پاکستان ءِ موقف ءِ منوگری کتگ ءُ مقبوضہ کشمیر ءُ فلسطین ءَ ھون ریچی ءِ گر ءُ دار ءِ واستہ اقوام متحدہ ءِ واستہ المی انت کہ آ وتی کرد ءَ پیلو بہ کنت۔ قومی اسمبلی ءِ تحریک انصاف ءِ باسک ءَ گشتگ کہ اے وھد تہمت جنگ یا یک دومی ءِ سرا گِل ریچگ ءِ وھد نہ انت، اے گرانیں جاوراں سرکار ءُ اپوزیشن یک مشت بہ بنت۔ عقل ءِ درشان کنگ بہ بیت۔ آئی ءَ گوشت کہ 400 کلومیٹر دور کوہ ءِ سر ءَ ناشرکاری اُرش بیت یک ءُ نیم کلاک ءَ پد سیکورٹی فورسز سر بنت بلے دہ منٹ ءَ پد ایف آئی آر جوڑ کنگ بیت۔ من وتی زند ءَ چوشیں احمقی نہ دیستگ۔ آئی ءَ ایوان ءَ پاد اتک ءُ مودی ءُ آئی ءِ فروخت بوتگیں میڈیا ءِ دروگ رد کت ءُ جار جت کہ اگاں پاکستان ءَ آپ پچ نہ کنت گڑا پاکستانی فوج ءِ ہمراہی ءَ مہلوک جنگ ءَ تیار انت۔ ایم این اے صبا صادق ءَ گشتگ کہ مودی ءُ آئی ءِ منوگر وتی ناکامی ءَ را من انت۔ آئی ءَ گوشت کہ پاکستان ءِ سلاہ بندیں اُرد، حکومتی ءُ سیاسی طاقت یک ءُ مشت انت۔ آئی ءَ گوشت کہ مودی ءِ حلاف ءَ وتی ذاتی مفاد آنی واستہ مردم آنی کوش ءِ سر ءَ کوش ءِ ایف آئی آر کنگ بہ بیت۔ آئی ءَ گوشت کہ پاکستان ءِ دری پالیشی سک باز مھکم اِنت، مزن وزیر شہباز شریف ءَ ھما دوستیں ملک دلزین کتگ اَنت کہ گریوگ ءَ اِت اَنت مرچی آ مشکلیں ساھت ءَ مئے ھمراہی ءَ اوشتاتگ اَنت۔ پاکستان پیپلز پارٹی ءِ ایم این اے شرمل فاروقی ءَ گشتگ کہ ہندوستان ءَ دروگ ءِ بنیاد ءَ پاکستان ءِ سرا بھتام جتگ ۔ پاکستان ءِ سرا ہندوستان ءِ سڑتگیں پروپیگنڈا ءِ ذمہ واری ایر کنگ بوتگ۔ آئی ءَ گوشت کہ پلواما ڈرامہ ءِ مول ءُ مراد، مقبوضہ کشمیر ءِ ھاسیں بستار ءُ پہلگام ءِ آبشار ءِ مول ءُ مراد پاکستان ءِ آپ ءِ بند کنگ انت۔ آپ ءِ بند کنگ ءِ بزانت جنگ اِنت، پاکستان وتی آپ ءَ کس ءَ بند کنگ ءَ نیلیت۔ آئی ءَ گوشت کہ اے سال ءِ گڈسر ءَ یک کشتارے بیت، ایشی ءِ واستہ آ وتی راج ءَ را ناشرکاری ءَ گوں نشانگ جوڑ کنت۔ ایم کے کو ایم کے ایم این اے حفیض الدین ءَ گوشت کہ بھارت ءَ آرٹیکل 370 ءُ 345 ءَ پد مقبوضہ کشمیر ءِ حیثیت ءَ بدل کنان ءَ وتی اثر ءُ رسوخ ءَ را گیش کنگ ءِ کوشست کتگ بلے آ اے گپ ءَ ھم زانت کہ مقبوضہ کشمیر پاکستان ءِ یک جتائیں بہرے ۔ آئی ئَ گوشت کہ پاکستان ئِ جوڑ بوھگ ئَ چہ پاکستان ئِ سر ئَ جنگ یک ءُ دومی زاویہ ئَ چہ لگڈگ بوتگ۔ اگاں ہندوستان ءِ گمان اِنت کہ آ وتی جزم ءَ گیشتر چکاسگ لوٹیت گڑا آ اے گپ ءَ بہ اشکنت کہ پاکستان ءِ 250 ملین مردم وتی ملک ءِ رکھینگ ءَ تیار اَنت۔ آئی ءَ گوشت کہ بھارت اسرائیل ءِ لیکہ ءِ سر ءَ مسلمان آناں ھلاس کنگ لوٹ ایت بلے دوئیں کدی سوبمند نہ بنت۔ پاکستان مسلم لیگ نواز ءِ ایم این اے طاہرہ اورنگزیب ءَ گشتگ کہ مرچی یک رندے پدا ہندوستان ءَ 260لکھ پاکستانی آں چیلنج کتگ۔ اے کجام ناشرکاری ءِ واقعہ اِنت کہ یک ءُ نیم کلاک ءَ پد سیکورٹی فورسز سر بنت بلے ھرچ پٹ ءُ پول ءَ چہ 10 منٹ ءَ پد ایف آئی آر درج کنگ بیت۔ اگاں انکوائری بوتیں گڑا مودی ءِ حلاف ءَ ایف آئی آر درج کنگ بوتگ ات پرچا کہ اے آئی ءِ وتی واقعہ ات۔ تحریک انصاف ءِ ایم این اے اسلم غھومان ءَ گوشت کہ بھارت وتی سیکورٹی ناکامی ءِ منگ ءِ بدل ءَ ھمک وھد ءَ پاکستان ءِ سر ءَ ملامت کنگ ءَ بوتگ۔ آئی ءَ گوشت کہ بھارت اگاں دگہ زوراکیں گامگیج چست بہ کنت گڈا اے جنگ بھارت ءِ اندر ءَ جنگ بیت۔ ہندوستان ءِ تہ ءَ بازیں زھرشانی بوھگ ءَ اِنت کہ پہ آھاں ٹُکّگ ءَ بس اِنت۔ ایم این اے عصا اسحاق صدیقی ءَ گشتگ کہ پاکستان ءَ یک طاقتوریں قوت ءِ بوہگ ءِ باوجود صبر ءُ اوپار ءِ درشان کتگ، بلے اے مئے نزوری زانگ مہ بیت۔ 250ملین مردماں پاکستان ءِ دیمپان، استحکام ءُ ایمنی ءِ واستہ وتی رضاکارانہ کمک کتگ۔ آئی ءَ گوشت کہ پاکستان ھمک میاں اوستمانی دیوان ءَ بھارتی ریاستی ناشرکاری ءَ را بے نقاب کتگ ءُ دیم ءَ بران کنت۔
