راولپنڈی۔ 06مئی (اے پی پی) بنجائی وزیر ریلوائی محمد حنیف عباسی پارینے کہ بھارت نا آبی جارحیت نا پبی ورندی ءِ تننگک، پاکستان مدام امن ءِ اولیت تسنے، مچ آپاکستانی قوم جنگ کون آ سنگین حالیت آتیٹی تینا فوج انا سلوک نظر بریک، داملک اٹی اسہ جماعت اس ہندن ءُ خراب چاگڑد اس ودی کننگ نا کوشست کرے تانکہ دا ملک نزوری نا کنڈآ کائے۔ سے شنبے نادے آ راولپنڈی ٹی میڈیا تون گپ وتران کرسا وزیر ریلوائی حنیف عباسی پارے کہ نن ہرا کلہو ءِ انڈیا ءِ تسن دیر انا باندات آ او ساف ءِ، اگہ نم دِیر ءِ توریرے تو نن جنگ اکن تیار اُن، انڈیا میڈیا چینل پروپیگنڈا کننگ اٹ داوخت آ ہرحداسکان گدرینگانے، دامشکل وخت اٹی ہراتم نن حالیت جنگ اٹی اُن تو ننا ملک آن اسہ جماعت اسے نا مخلوق سازش آتیٹی اختہ نظر بریک، نن تینا ملک اٹی مروک آ ہردہشت گردی نا شاہدی انڈیاءِ تسونن، دنیا چاہک دیر دہشت گرد ملک اسے، نن مدام امن ءِ اولیت تسونن ولے اگہ کس اس سمجھک کہ جنگ نن کننگ کپنہ تو دا انڈیا نا بھول ءِ۔ اوپارے کہ جنگ کننگ نا ننا لائخی ءِ کم کننگ بھارت نا بھلا غلطی مریک۔ وزیر ریلوائی قومی عزم انا درشانی ءِکرے کہ پاکستان بھارت نا کنڈآن ہرجارحیت نا سجفپک بلکن ورندی ایتک ۔ اومستی پارے کہ پاکستان پہلگام جلہو نا جاست وپاست کن کمک کننگ نا پارے ولے بھارت نرانے۔
