اسلام آباد۔ 06مئی (اے پی پی) بنجائی وزیر واپار جام کمال خان تون آل پاکستان سالونٹ ایکسٹریکٹرزایسوسی ایشن (اے پی ایس ای اے) نا چیئرمین زین محمود تینا ٹیم اتون اوار اوڑدہی کرے۔ سے شنبے نادے آ مروک آ اوڑدہی ٹی سویابین و کینولا نا درآمد آتیا ٹیرف اٹی بدلی نا کمک اٹ ہندی پیدوار ءِ مون آ دننگ آ گپ وتران کننگا۔ اوڑدہی ٹی وزیراعظم نا خصوصی کمکار واپار رانا احسان افضل و سیکرٹری واپار جوادپال ئسک ہم ساڑی ئسر۔ زین محمود ہندی بزغرآتا رکھ و اوفتا است بڈی کن ٹیرف سٹرکچر اٹی جوان بدلی تا اہمیت آ زور شاغا۔ اوپارے کہ ٹیرف اٹی اصلاحات آن پاکستان اٹی آئل سیڈز نا دسنگ و پروسیسنگ ءِ مون آدننگک ہراڑآن درآمد آتیا سیبو کم مریک و خودانحصاری ءِ مون آ دننگ دوئی مریک۔ چیئرمین اے پی ایس ای روشِ گڑدان ، سویابین وکینولا تون اوار چندی آئل سیڈز آتا پیدوار ءِ ودفنگ کن چندی سلاہ ہم پیش کرے تانکہ ملکی درآمدی بل اٹی کمتی اتنگ مرے وہندی صنعت ءِ پین گچین کننگ مرے۔ بنجائی وزیر واپار جام کمال خان ڈل ءِ حکومت نا پورو مخ تفی نا باوری کرفے۔ اوداعزم انا درشانی ءِ کرے کہ وزارت واپار ہمو پالیسی تے مون آ دیک ہرا ہندی کشاری ویلیو چین و صنعتی شونداری کن کمکار مریر۔
