ابوظہبی۔ 06مئی (اے پی پی) ابوظہبی ٹی پاکستان نا سفارت خانہ نیشنل ڈیفنس یونیورسٹی (این ڈی یو) اسلام آباد نا نیشنل سیکورٹی اینڈ وارکورس انا ڈل انا متحدہ عرب امارات نا درملکی مطالعاتی دورہ ٹی مہمانداری ءِ کرے۔ سفارت خانہ غان جاری بیان نا رداٹ دورہ نا مسخت پاکستان ومتحدہ عرب امارات نا نیام اٹ ہڑتوم آ کنڈآتا مذاکرات، علمی کمکاری و تین پہ تینی افہام و تفہیم ءِ مون آ دننگ ءِ۔ پاکستانی سفارت خانہ نا کنڈآن جاری بیان نا رداٹ متحدہ عرب امارات اٹی پاکستان نا سفیر فیصل نیاز ترمذی این ڈی یوکے اے او ڈی چیف انسٹرکٹر ایئروائس مارشل عامر منیر و ڈل ءِ بخیر کرے ہراٹی بڑزکو عسکری و سول سروس آفیسر آتون اوار اوار سنگت ملک آتا آفیسر آک ہم اوار ئسر۔ سفیر ہڑتوم آ کنڈآتا کمکاری ءِ گہرا کننگ اٹ داوڑنا ہن و برتا اہمیت آ زور شاغا۔ اوپارے کہ دادورہ پاکستان و متحدہ عرب امارات نا تاریخی شریداری ءِ سوگو کننگ نا ننا عزم انا ہم عکاسی ءِ کیک۔ تینا دورہ ٹی ڈل متحدہ عرب امارات نا سرکاری کمامدار، تھنک ٹینکس و یواے ای نا ایلو ادارہ غاتون بڑزکو کہولی اوڑدہی کیک۔ ڈل انا دورہ ہڑتوم آایلم ملک آتا نیام اٹ بے مٹ تعلقداری تا شاہدی ءِ۔

متعلقہ مضامینمصنف کی طرف سے مزید