کوئٹہ۔ 06 مئی (اے پی پی) چیئرمین قائمہ کمیٹی دفاعی پیدوار سینیٹر محمد عبدالقادر پارینے کہ اہل حدیث پاکستان نا سروک، پنی آ دینی، علمی و سیاسی شخصیت پروفیسر ساجد میر بھلو وخت اسے نا ناجوڑی آن پد 85 سال آن زیات وئی ٹی کزیت کرینے اونا کزیت آن ایوان اسہ بڑزکو روایت آتا امین آن محروم مسنے ولے اونا روایت و سیاست نا وڑ آن اسہ عہد راہشونی ہلسا کیک اونا طب بھلو وخت اسے آن ناساز ئس و زوت آتے اٹ اونا(Spine Discs)نا آپریشن مسوسس اوکان پد او پدریسہ تکلیف اٹی ئس داکان مست ہم اودے است انا تکلیف ئس ہراٹی اونا بائی پاس سرجری کرفنگاسس ، پروفیسر ساجد میر غٹ وئی ءِ دین ءِ اسلام نا خذمت، علم انا تالان و مذہبی ہم گرنچی نا مون آ دننگ کن وقف کریسس اونا زند انا بناقرآنی تعلیمات آتیان مس ہراتم او تینا لمہ نا است خواہی آ ہرادے او وخت اس ہم خننگ کتو رسمی تعلیم ءِ ہلسا قرآن پاک ءِ حفظ کرے ، 1963ء ٹی او اولیکو وار ترابیح نا نماز اٹی تلاوت بنفے اوکان پد دینی میدان اٹی اونا سفر پبی وڑاٹ بناکرے۔ داڑے جاری مروک اسہ بیان اسے ٹی چیئرمین قائمہ کمیٹی دفاعی پیداوار محمد عبدالقادر پارے کہ پروفیسر ساجد میر ایماندار نئے بیرہ علمی خذمت سرتس بلکن سیاست اٹی ہم اسہ نمان ءُ ہند اس دوئی کرے ، مسلم لیگ (ن) 1994ء ٹی اودے اولیکو وار پنجاب آن سینیٹ نا باسک گچین کرفے اوکان پد او کیہی وار سینیٹ نا باسک گچین مس و ملکی سیاست اٹی اسہ باوقار و معتدل مزاج راہشون اسے نا وڑاٹ چاہنگا اونا شمار ہموشخصیت آتیٹی مسکہ ہرافک بین المسالک ہم گرنچی نا مون آ دننگ کن تیار کننگا ضابطہ اخلاق نا تیاری ٹی اہم کڑد ادا کرے ، پروفیسر ساجد میر نا پاکستان و سعودی عرب نا نیام اٹ خوشگوار تعلقداری نا سوگوی ٹی ہم اہم کڑد اس مسنے اوکیہی سال نائیجیریا ٹی تدریسی خذمت سرترساکرے و 1985 ء ٹی وطن آ پدی برسا دینی، تعلیمی و سیاسی سرجزآتے پین ودفے اونا کزیت آن چندی دینی، سیاسی و راجی حلقہ غاک اسہ زیرک و معاملہ فہ سیاست دان اسے آن محروم مسنو، پروفیسر ساجد میر ایماندار اسہ عالم باعمل، اسلام و ملک و ملت نا بے باک سپاہی ئس ایماندار سُچا عاشق رسول و علم و عمل نا پیکر ئس پاکستان اسہ مخلص و درد مند لیڈر اسے آن محروم مسنے، اللہ تعالیٰ ایماندار ءِ جنت اٹ الفردوس اٹی بڑزکو ہند اس عطاکے و اونا خاہوتءِ صبر وجمیل عطاکے۔
