اسلام آباد۔6مئی (اے پی پی): راجی اسمبلی ءِ اسپیکر سردار ایاز صادق ءَ 6 مئی 2018 ءَ وفاقی وزیر منصوبہ بندی ءُ دیمروئی چوہدری احسن اقبال ءِ سر ءَ بزدلیں ناشرکاری اُرش ءِ سک باز مذمت کتگ ءُ گوشت کہ اے وئیل نہ ایوک ءَ جمہوری اُرش بوتگ بلکیں یک گچین بوتگیں نمائندہ ءِ سر ءَ جمہوری اُرش بوتگ۔ ءُ راج ءِ توار ءَ چہ دیم ءَ اتکگ۔ راجی اسمبلی ءِ سیکرٹریٹ ءِ رد ءَ اسپیکر ءَ گوشت کہ چوہدری احسن اقبال ءَ اے مہلکیں اُرش ءِ دیم ءَ ھما جرات، مھکم ءُ استقامت ءِ گوما دیم پہ دیم بوتگ مئے جمہوری نظام ءُ ریاستی ادارگ آنی سر ءَ الس ءِ بھروسہ ءِ زندگیں مثال اِنت۔ آئی ءِ اے ہمت ناشرکاری ءِ حلاف ءَ راجی یکوئی ءِ علامت انت۔ اے موہ ءِ سر ءَ سردار ایاز صادق ءَ ھما درستیں پارلیمنٹرین آناں شگر ءُ منت درشان کت کہ آھاں گوستگیں وھد ءَ ھم ناشرکاری ءُ انتہا پسندی ءِ چیلنج آنی گوما بہادری ءَ گوں دیم پہ دیم بوتگ اَنت۔ آئی ءَ گوشت کہ آ اسمبلی ءِ بھر بہ بنت یا نہ بہ بنت گچین بوتگیں الس ءِ نمائندہ آں الس ءِ نمائندگی ءُ جمہوری اصول آنی دفاع ءِ واستہ وتی جان ءِ ھترہ ءَ داتگ۔ آئی ءَ گیش گوشت کہ راج اے بہادریں نمائندہ آنی مدیون اِنت کہ آیاں وتی جان ءِ باوجود ریاست، جمہوریت ءُ راجی سیت آنی رکھینگ ءَ را اولیت داتگ۔ اے وڑیں پارلیمنٹ ءِ درستیں باسک مئے راجی بامرد اَنت، کہ آیانی قربانی ھچبر شموشگ نہ بنت۔ راجی اسمبلی ءِ اسپیکر ءَ اے جزم ءِ پدا زور دات کہ ناشرکاری ءِ ھلاپ ءَ جنگ ءَ پارلیمنٹ یکجائی ءُ جزم اِنت ءُ آیوکیں وھد ءَ جمہوری استحکام ءَ را دل یکیمی کنگ ءُ السی ھک آنی رکھینگ ءِ واستہ ھمک ممکنیں گامگیج چست کنگ بیت۔
