وفاقی وزیر داخلہ محسن نقوی ءَ گتر ءِ مزن وزیر محمد بن عبدالرحمن الثانی ءَ گوں گند ءُ نند کتگ، پہالگام ءِ وئیل ءَ چہ پیداکیں جاور ھال، پاک گتر ءِ سیادی ءُ دو نیمگی کمک ءَ را گیش کنگ ءِ سر ءَ گپ ءُ تران

دوحہ۔6مئی  (اے پی پی): وفاقی تہی کارانی وزیر محسن نقوی ءَ گتر ءِ مزن وزیر محمد بن عبدالرحمن التھانی ءَ گوں گند ءُ نند کتگ ایشی ءِ تہ ءَ پاک گتر ءِ سیادی ءُ دو نیمگی کمک ءِ تہ ءَ گیشی ءِ راہ آنی سر ءَ گپ ءُ تران کتگ۔ گند ءُ نند ءَ پاکستان ءُ ہندوستان ءِ کش ءُ گور ءِ سیاھگ ءُ دمگ ءِ استیں جاور ھال آنی سر ءَ ھم گپ ءُ تران کنگ بوت۔ وزیر داخلہ محسن نقوی ءَ گتری مزن وزیر ءَ را پاکستان ءُ بھارت ءِ نیام ءَ گوستگیں کش ءُ چیل ءِ ھوالگ ءَ پاکستان ءِ مھکم ءُ اصولی موقف ءِ بابت ءَ سرپد کت۔ وزیر داخلہ محسن نقوی ءَ دمگ ءَ امن ءِ برجائی ءِ واستہ پاکستان ءِ سرجمیں گامگیج آنی بابت ءَ آئی ءَ را سرپد کنان ءَ گوشت کہ پہلگام ءِ وئیل ءِ سر ءَ بھارت ءِ بے بنیں الزام ءُ کارروائی دمگی امن ءِ واستہ مزنیں ھترہ ءِ دیم ءَ کیت۔ پہلگام ءِ وئیل ءِ غیر جانبداریں پٹ ءُ پول ءِ پیشکش پاکستان ءِ اصولی لیکہ ءَ را گیش مھکم کنت۔ دنیا ءَ بہ زانت کہ اے واقعہ ءِ سروک ءُ اصل ملزم کئے اَنت ءُ ایشی ءِ نفع مند کئے اِنت۔ ہندوستان ءَ ہمے واقعہ ءِ آڑ ءَ سندھ ءِ آپانی معاہدہ ءِ سرا اُرش کتگ کہ مئے ہاترا زندمان ءِ لیکہ انت۔ ما دمگ ءَ دائمی امن لوٹیں بلے تجاوزات ءِ سر ءَ بے توار نہ بئیں۔ گتر ءِ مزن وزیر ءَ پاکستان ءُ بھارت ءِ نیام ءَ جیڈھ آناں کم کنگ ءِ واستہ سفارتی کوشست آنی ضلورت ءِ سر ءَ زور پر دات ءُ گوشت کہ ما خطہ ءَ ڈی اسکالیشن ءِ پالیشی ءِ حمایت کناں۔ امیت انت کہ سفارتی کوشست آنی سبب ءَ کش ءُ چیل کم بنت۔ گتر ءِ مزن وزیر ءَ مزن وزیر محمد شہباز شریف ءَ را وتی نیکیں واھگ آنی سر ءَ گوشت کہ شمئے مزن وزیر پاکستان ءِ معیشت ءَ را راستیں کشک ءَ برگ ءِ واستہ سک باز کوشست کنگ ءَ انت۔ اے موہ ءِ سر ءَ گتر ءَ پاکستان ءِ سفیر محمد امیر ءُ مزنیں کارندہ ھم ساڑی بوتگ اَنت۔