اسلام آباد۔6مئی (اے پی پی): آل پاکستان سالوینٹ ایکسٹریکٹرز ایسوسی ایشن ءِ چیئرمین زین محمود ءِ گوما وتی ٹیم ءِ گوما وفاقی وزیر تجارت جام کمال خان ءَ گوں گند ءُ نند کت۔ سئے شمبے ءِ روچ ءَ گند ءُ نند ءَ سویابین ءُ کینولا ءِ درآمد ءِ سر ءَ ٹیرف آنی تہ ءَ مٹ بدلی ءِ وسیلگ ءَ بنجاہی پیداوار ءَ را دیمروئی دیگ ءِ سر ءَ ھیال ریچی کنگ بوت۔ گند ءُ نند ءَ مزن وزیر ءِ کامرس ءِ ھوالگ ءَ ھاسیں کمکار رانا احسان افضل ءُ سیکرٹری کامرس جواد پال ءَ ھم بھر زوری کت۔ زین محمود ءَ دمگی کشت ءُ کشاری ءِ رکھینگ ءُ دلبڈی ءِ واستہ ٹیرف ءِ ڈھانچہ ءِ تہا جوانیں بدلی ءِ سرا زور پر دات۔ آئی ءَ گوشت کہ ٹیرف اصلاحات ءَ چہ پاکستان ءَ تیل ءِ کاشت ءُ پروسیسنگ ءَ را دیمروئی رسیت، ایشی ءَ چہ درآمدات ءِ سر ءَ انحصار کم بیت ءُ وت مہ وتی ءَ را دیمروئی رسیت۔ چیئرمین اے پی ایس ای اے ءَ سورج مکھی، سویابین ءُ کینولا ءَ ھوار جتا جتائیں تیل ءِ پیداوار ءَ را گیش کنگ ءِ واستہ بازیں سوج ھم پیش کت تانکہ ملک ءِ درآمد ءِ بل کم کنگ ءُ بنجاہی صنعت ءَ را گیش کارآمد جوڑ کنگ بہ بیت۔ وفاقی وزیر تجارت جام کمال خان ءَ ڈل ءَ را حکومت ءِ سرجمیں کمک ءِ دل یکیمی دات۔ آئی ءَ اے عزم ءِ یک رندے پدا گوشت کہ وزارت تجارت ھما پالیشی آناں دیم ءَ برگ ءَ انت کہ آ دمگی زرعی ویلیو چین ءُ صنعتی دیمروئی ءِ واستہ کمکی بنت۔
