آرمی چیف جنرل سید عاصم منیر ءِ گشگ انت کہ اگاں راجی حاکمیت ءِ سرا اُرش کنگ بہ بیت گڑا آئی ءَ را لائکیں پسو دیگ بیت
راولپنڈی۔5مئی (اے پی پی): پاک فوج ءِ سروک جنرل سید عاصم منیر ءَ گشتگ کہ اگاں راجی وت واجہی ءِ سرا اُرش بیت گڈا آئی ءِ لائکیں پسو دیئگ بیت۔ آ دوشمبے ءِ روچ ءَ جی ایچ کیو ءَ نیشنل ورکشاپ بلوچستان ءِ بھر زوروکاں گوں تران کنگ ءَ ات۔ آئی ایس پی آر ءِ رد ءَ 2016 ءَ چہ نیشنل ورکشاپ بلوچستان ءِ مول ءُ مراد سروکی ءَ را راجی ءُ صوبائی معاملہ آنی بابت ءَ سرپد کنگ انت۔ آرمی چیف ءَ گوشت کہ بلوچستان ءَ برجاھیں دیمروئی منصوبگ الس ءِ گہبودی ءِ واستہ ھاسیں کرد پیلو کنگ ءَ اَنت، دژمن ءِ عنصر بلوچستان ءَ ترس ءُ بیم ءُ آشوب تالان کنگ لوٹ اَنت، آ ایشاں سوبمند کنگ ءَ نئیل اَنت۔ آئی ءَ گوشت کہ درملک ءِ سرپرستی ءَ بوتگیں ناشرکاری بلوچستان ءِ ایمنی ءِ واستہ مزنیں ھترہ یے، ناشرکاری ءَ ھچ مذھب، فرقہ ءُ قوم نیست، ایشی ءَ گوں ما راجی یکوئی ءَ گوں جنگ کن ایں۔ آرمی چیف ءَ گشتگ کہ بلوچ پجار ءِ نام ءَ ناشرکاری کنوک بلوچ ءِ شان ءُ شان ءِ سرا لگت انت ۔ آرمی چیف جنرل سید عاصم منیر ءَ گوشت کہ پاکستان دمگ ءَ ایمنی لوٹ ایت، پاکستان وتی یکوئی ءِ سر ءَ سمجھوتہ نہ کنت۔ آئی ءَ گیش کرتگ کہ اگاں راجی حاکمیت ءِ سر ءَ اُرش کنگ بہ بیت گڈا لائکیں پسو دیگ بیت۔ ورکشاپ ءِ آسر ءَ گوں سرجمیں جست ءُ پرس ءِ دیوان ءَ آسر بوت۔
