اسلام آباد۔ 05مئی (اے پی پی) صدر مملکت آصف علی زرداری بھارتی حکومت نا ساڑی آ زمواری تیان چپ و زوراکی بیان آتیا گڑتی نا درشانی ءِ کرسا پارے کہ دابھارتی گام گیج آتیان علاقائی امن و سوگوی ءِ خطرہ مون تروک ءِ۔ اوداہیت ءِ پاکستان اٹی چین نا سفیر جیانگ زیڈونگ تون اوڑدہی ٹی پارے ہرا داڑے ایوان ءِ صدر اٹی صدر مملکت تون اوڑدہی کرے۔ دوشنبے نادے آ ایوان ءِ صدر نا پریس ونگ آن جاری بیان نا رداٹ اوڑدہی ٹی ہڑتوم آ کنڈآتا اہمیت نا امور خاص وڑاٹ پہلگام واقعہ غان پد پاکستان و بھارت نا نیام اٹ ساڑی آ حالیت آتیا گپ وتران کننگا۔ صدر مملکت آصف علی زرداری بھارتی حکومت نا ساڑی آ زمواری تیان چپ و زوراکی بیان تیا گڑتی نا درشانی ءِ کرے۔ صدر مملکت آصف علی زرداری پارے کہ بھارت نا گام گیج آتیان علاقائی امن و سوگوی ءِ خطرہ مون تروک ءِ۔ چینی سفیر چین و پاکستان نا نیام اٹ پائیدار و آزموندہ سنگتی نا درشانی ءِ کرے و پارے کہ ہڑتوم آملک آک’’آہنی ایلم ‘‘ءُ۔ ہڑتوم آک مدام مشکل وخت اٹی اسہ ایلو تون تفینو۔چینی سفیر پاکستان نا نقطہ نظر ءِ چین اتون شیئرکننگ آ صدر مملکت نا منت واری ءِ ہرفے۔ چینی سفیر مستی پارے کہ چین سویلی ایشیاٹی امن و سوگوی نا ہڑتوم آملک آتا اسیجائی است خواہی نا دوئی کننگ کن مدام پاکستان نا مخ تفی ءِ کیک۔ صدر مملکت مشکل وخت اٹی پاکستان تون تفنگ آ و چینی حکومت نا پدریسہ مخ تفی نا ستاءِ کرے۔
