اسلام آباد۔ 05مئی (اے پی پی) بنجائی وزیر پیٹرولیم علی پرویز ملک تون پاکستان نا پنی آ ریفائنریز نا چیف ایگزیکٹیو آفیسرز(سی ای اوز) آ تالان اسہ بڑزکو کہولی ڈل اس اوڑدہی کرے، اوڑدہی ٹی حکومت و ریفائننگ سیکٹر نا نیام اٹ کمکاری ءِ ودفنگ، پائیدار توانائی نا فراوانی ءِ پک کننگ، ریفائنریز نا کارکڑد ءِ گچین کننگ و ریفائنریز نا اہم ویل آتیا گپ وتران کننگا۔ ترجمان پیٹرولیم ڈویژن نا کنڈآن جاری بیان نا رداٹ وزارت پیٹرولیم اٹی مروک آ دااوڑدہی ٹی ریفائنریز نا اپ گریڈیشن ، ایندھن نا آب، و پیٹرولیم سیکٹر ءِ پاکستان نا زرگزران اٹی زیات گچین کننگ کن پالیسی کون آ اہم باندات آتیا گپ وتران کننگا۔ وزیرعلی پرویز ملک ریفائننگ انڈسٹری نا شونداری ءِ سپورٹ کننگ و صارف آتیکن اڑزان وپائیدار توانائی نا فراوانی آ حکومتی عزم انا درشانی ءِ کرے۔ انڈیا تون ساڑی آ بے چیٹی نا رداٹ، پاکستانی ریفائنریز نا سی ای اوز بنجائی وزیر ءِ باوری کرفے کہ او پاکستان سلہہ بند فوج انا ایندھن نا گرج آتے پورو کننگ کن پورو وڑاٹ تیار ءِ۔ اوزور شاغا کہ غٹ المی بست وبند، بشمول سٹریٹجک ایندھن نا کوڑی و بے سلنگ آ پیدواری لائخی ، قومی دفاعی گرج آتے ہرحالیت آتیٹی سپورٹ کننگ کن ساڑی ءِ۔ وزیر ملک ریفائنریز نا پیشگی گام گیج آتا ستاءِ کرے و شاری و فوجی ہڑتوم آ بشخ آتیکن توانائی نا سلامتی ءِ پک کننگ اٹ حکومت نا پورو سپورٹ نا درشانی ءِ کرے۔
