راولپنڈی۔ 05مئی (اے پی پی) پاکستان برجامشق’’ایکس انڈس‘‘ نا رداٹ دوشنبے نادے آ’’فتح‘‘ سیریز نا ڈغار آن ڈغار اسکان خلوک آ میزائل نا سرسہب ہیلکاری آزموندہ کرے ، میزائل نا رینج 120 کلومیٹر ءِ۔ آئی ایس پی آر نا رداٹ داآزموندہ نا مسخت فوجی دستہ غاتا عملی تیاری ءِ پک کننگ و میزائل نا پوسکن نیویگیشن سسٹم و گچین درستگی تون اوار اہم تکنیکی پلو آتاپک کننگ ئس ۔ ہیلکاری آزموندہ نا پاکستان آرمی نا سینئر آفیسر و پاکستان نا سٹریٹجک ادارہ غاتا آفیسر، سائنسدان و انجینئرآک مشاہدہ کریر۔ چیئرمین جوائنٹ چیفس آف اسٹاف کمیٹی و چیف آف آرمی اسٹاف بشخ ہلوک آ فوجی ورنا، سائنسدان و انجینئرآتے مبارکبادی تسر۔ اوپاکستان نا علاقائی سالمیت نا برخلاف ہرجارحیت ءِ بے سہب کننگ کن پاکستان آرمی نا عملی تیاری و تکنیکی مہارت آ پورو پت انا درشانی ءِ کریر۔
