اسلام آباد۔ 05مئی (اے پی پی) پاکستان اقوام متحدہ نا سلامتی کونسل ءِ سویلی ایشیاٹی مروک آ تازہ انگا پیش رفت آن باضابطہ وڑاٹ معلومدار کننگ نا فیصلہ ءِ کرینے۔ دوشنبے نادے آ ترجمان دفترخارجہ نا کنڈآن جاری بیان نا رداٹ پاکستان خاص وڑاٹ اقوام متحدہ نا سلامتی کونسل ءِ داہیت آن معلومدار کیک کہ ہراوڑ بھارت نا زوراکی گام گیج، وار وار اشتعال انگیزی و اشتعال انگیز بیانک علاقائی وجہانی امن و سوگوی کن بھلو خطرہ ءُ ۔ پاکستان سندھ طاس معاہدہ ءِپدبِٹنگ نا بھارت نا غیرکانودی و اسہ کنڈی کوشست ءِ ہم تالان کیک ہرااونا جہانی زمواری تا پیدوار خلاف ورزی ءِ۔ پاکستان اقوام متحدہ نا سلامتی کونسل آن خواست کیک کہ او دا پیش رفت آتون مون تننگ کن جوان گام گیج کرسا جہانی امن و سلامتی کن تینا بنداوی زمواری اداکے۔
