ملتان۔ 05 مئی (اے پی پی): چیئرمین مزن وزیر ورنا پروگرام رانا مشہود احمد خان ءَ گشتگ پاکستان ءِ رکھینگ ءِ ھاتر ءَ آرمی چیف حافظ جنرل عاصم منیر وتی فوجی آں گوں بارڈرز ءَ ساڑی انت۔ کلیں راج مھروانیں وطن ءِ دیمپانی ءَ وتی لشکر ءِ ھمراھی ءَ اوشتاتگ۔ پاکستان نزوریں ملکے نہ انت، آئی ءَ وتی جند ءِ دیمپانی کنگ ءِ حق است انت ءُ وتی حقانی رکھینگ ءَ ہم زانت۔ آئی ءَ اے ھیالانی درشانی بہاؤالدین زکریا یوتھ یونیورسٹی ءَ مزن وزیر ورنا پروگرام ءِ چیر دستی ءَ برجم داشتگیں ’’ راجی نوجوان ءُ ورنا پالیشی ءِ ھوالگ ءَ مشورہ‘‘ ءِ سرھال ءَ مراگش ءَ گوں تران کنان ءَ کت۔ اے مراگش ءَ ملتان ءِ جتاجتائیں یونیورسٹی ءُ کالجانی نودربر، استاد ءُ اے دگہ مردماں مزنیں کساسے ءَ بہر زرت۔ رانا مشہود احمد خان ءَ گوشت کہ وھدیکہ پاکستانی سرکار پدا وتی پاداں اوشتات ءُ دگنیا پاکستان ءِ نیمگ ءَ دلگوش بوت گڈا ملک ءَ پدا ناشرکاری ءِ مارکیٹ ءَ را گرم کنگ ءِ کوشست کنگ بوت۔ وھدے کہ ناشرکاری ءِ وسیلہ ءَ سرمایہ کاری ءِ بند کنگ ءِ منصوبہ بے سوب بوت گڑا بھارت ءَ پہلگام ءِ دروگیں ڈرامہ جوڑ کنان ءَ پاکستان ءِ نام ءَ بدنام کنگ ءِ کوشست کت بلے پاکستان ءِ ھلاپ ءَ بھارتی پروپیگنڈا جھان ءِ تک ءَ بے سوب بوت۔ رانا مشہود ءَ گیش گوشت کہ پاکستان دیمروئی ءِ سفر ءَ بندات کتگ ایشی ءِ وڑیں بُرز دستیں کار کنگ ءِ ھچ ضرورت نیست۔ ما ہندوستان ءِ دروگ آئی ءِ دیم ءَ جتگ۔ ھندوستان ءِ پاکستان ءِ ھلاپ ءَ پندل سازگ بے سوب بیتگ اَنت۔ آئی ءَ گوشت کہ بھارت ءَ پاکستان ءِ آپ ءِ بند کنگ ءِ دھمکی داتگ ءُ وھدے پاکستان ءِ آپ بند بوتگ گڑا ما دگنیا ءَ را گشتگ کہ بھارت ءَ کدی ھم اقوام متحدہ ءِ قرارداد آنی احترام نہ کتگ۔ پاکستان یک زورآوریں ملکے۔ پاکستان زانت کہ آپ ءِ رسگ ءِ راہ ءَ بند کنگ ءِ دھمکیانی پسو ءَ چوں بہ دنت۔ پاکستان نزوریں ملکے نہ انت ءُ آ وتی جند ءِ دیمپانی کنگ ءِ حق ءَ داریت ءُ وتی حقانی رکھینگ ءَ ہم زانت۔ آئی ءَ گوشت کہ فلسطین ءِ سر ءَ اسرائیل ءِ زوراکی آنی سر ءَ میاں اوستمانی ادارگ چپ بوتگ اَنت، بھارت ءَ مسلمان اقلیت آنی سر ءَ جاور ھال تنگ کنگ بوتگ اَنت، فلسطین ءُ بھارت ءَ مسلمان اقلیت آنی سر ءَ جاری ظلم ءُ زوراکی آنی سر ءَ میاں اوستمانی گل آنی چپ ءُ چاگرد مذمت ءِ لائک اِنت۔ آئی ءَ گوشت کہ مرچی پاکستان ءِ سر ءَ جنگ ءِ جمبر جن انت۔ پاکستان ءِ چیف آف آرمی اسٹاف حافظ جنرل عاصم منرو پاکستان ءِ رکھینگ ءِ ھاترا گوں وتی سپاھیگاں سیمسر ءِ سر ءَ ھست اِنت ءُ سرجمیں راج پہ مھروانیں وطن ءِ رکھینگ ءَ وتی لشکر ءِ ھمراھی ءَ اوشتاتگ۔ راجی ایمنی ءُ دوستاریں وطن ءِ رکینگ ءِ ھاتر ءَ پاکستان ءِ قوت، حکومت ءُ مہلوک یک مشت انت۔ رانا مشور احمد خان ءَ گوشت کہ مئے ورنا پاکستان ءِ تاج انت۔ ورنائیں نسل ءِ تہا دیمروئی ءِ جہد ءُ کوشست المی انت۔ ما مدام ورنائیں نسل ءَ را دیمروئی ءِ موہ بہ دئیں۔ آئی ءَ گوشت کہ مسلم لیگ (ن) ءِ سروکی ءَ گوستگیں وھد ءَ ھم پنجاب یوتھ لیگ جوڑ کتگ ات۔ ما پنجاب یوتھ لیگ ءَ وانگ ءُ زانگ ءَ را درستاں چہ گیش ارزشت داتگ۔ ما سرجمیں ملک ءَ زالبولیں ورناہانی گل جوڑ کت انت ایشانی تہا جنوبی پنجاب ہم ہوار انت۔ ما 2011 ءَ وانگ ءُ زانگ ءِ پڑ ءَ را دیم ءَ برتگ ات۔ما 2011 ءَ پنجاب ایجوکیشن اینڈومنٹ فنڈ ءِ وسیلگ ءَ زھگ آناں اسکالرشپ دیگ بندات کتگ ات کہ آئی ءَ چہ لکاں زھگاں نپ رستگ، ما پنجاب ءِ ورناہاں لیپ ٹاپ دات، مرچی لکاں زھگ پنجاب ایجوکیشن اینڈومنٹ فنڈ ءَ چہ وانگ ءَ پاکستان ءَ نامدار کنگ ءَ اَنت، ما 18 کلاک ءِ لوڈ شیڈنگ ءَ چہ دیم ءَ شتگیں، جنوبی پنجاب ءِ ورنا ھم مئے پنت ءُ سوج ءِ طنز ءَ پیش دارگ ءَ اَنت۔ نعرہ چست کنگ آسان انت بلے چیزے کنگ ءَ چہ پیشدارگ مشکل انت، ما کنگ ءَ چہ شون داتگ، مزن وزیر شہباز شریف پاکستان ءِ ورنا آناں ہر ممکنیں آسراتی پجارینگ ءِ واستہ شپ ءُ روچ کار کنگ ءَ انت۔ آئی ءَ گوشت کہ 2028ءِ اولمپکس ءِ واستہ ٹیلنٹ ہنٹ برجاہ اِنت۔ ما ورنا آناں وانگ ءُ زانگ ءِ ہنر ءُ موہ دیگ ءَ ایں، نودربر ڈیٹا یوتھ ہب ءَ رجسٹرڈ بہ بنت، سرجمیں پاکستان ءَ چہ سرجمیں دگنیا ءَ چہ اسکالرشپ ءِ موہ نودربر آناں دست کپگ بنت، بنجاھی لیپ ٹاپ جون ءَ تاں نودربر آناں دیگ بنت، پنجاب سرکار ھم زوت نودربر آناں لیپ ٹاپ دنت۔ ما گند ءُ نند کنیں، ما مدرسہ ءِ نودربراں تکنیکی وانگ ءُ زانگ ھم دئیں۔ رانا مشہود ءَ گوشت کہ نیشنل انوویشن ایوارڈ ءِ وسیلگ ءَ ما ورنا آنی ھیال آناں دیم ءَ بران ءُ ورنا آنی گوما دگنیا ءِ جوانیں ادارگ آنی نیام ءَ رابطہ جوڑ کن ایں ۔ ما ھم ورنائیں نسل ءَ را پچیں ءُ مہذبیں دگنیا ءَ دیم ءَ بریں ۔ 2028 ءِ اولمپکس ءَ پاکستان ءِ واستہ بے حسابیں تمغہ زرتگ انت۔ وھد اتکگ کہ پاکستان ءِ زھگ دگنیا ءِ دیم ءَ دیم ءَ بیا اَنت ۔ آئی ءَ گوشت کہ مدرسہ آنی زھگ آناں دگہ زھگ آنی وڑیں ھک است انت۔ ما مدرسہ ءِ زھگانی واستہ تکنیکی وانگ ءُ زانگ ءِ پروگرام آرگ ءَ ایں، ءُ مدرسہ ءِ زھگاں ھم مین اسٹریم ءَ آرگ ءَ ایں. آئی ءَ گیش تران کت کہ توامیں صوبگ آں وتی وتی ورنا دیمروئی سنٹر جوڑ کتگ انت، نوں ما انچیں دیمروئی آرگ ءَ آں کہ ایشی ءَ چہ پاکستان ءِ ھمک دمگ ءِ زھگانی جیڈھ گیش ءُ گیوار بنت۔ ما چاگرد ءِ ھمک تک ءُ پھنات ءَ را ھوار کنان ءَ پاکستان ءِ دیمروئی ءِ واستہ روڈ میپ جوڑ کن ایں ۔ زندگیں راج وتی دیمروی ءِ سفر ءَ داشت نہ کن انت۔ زندگی ءِ دیم ءَ روگ ءِ ھاترا محنت، جزم ءُ لگن المی اِنت۔ شرارت ءُ بد دود ءِ نیام ءَ فرق بہ بیت۔ اگاں تکبر ءُ بد دود ءُ ربیدگ بیا انت گڑا تو کدی دیمروئی نہ کن ئے۔ ایشی ءَ پد رانا مشہود ءَ زکریا یونیورسٹی ءِ اسپورٹس کمپلیکس ءِ تر ءُ تاب کتگ ات کہ اودا آئی ءَ ٹیلنٹ ہنٹ پروگرام ءِ چیر دستی ءَ باکسنگ یوتھ اسپورٹس ءَ بہر زوروکیں مردین ءُ جنین نودربر آنی جاری ٹرائلز ءِ چار ءُ تپاسی کتگ ات۔ اے موہ ءِ سر ءَ تران کنان ءَ رانا مشہود ءَ گوشت کہ ما وانگ ءُ زانگ، ٹیکنیکل ٹریننگ ءِ ھواری ءَ لیب ءُ گوازی ءِ نیمگ ءَ ھم ھاسیں دلگوش دیگ ءَ ایں ۔ اسپورٹس ٹیلنٹ ہنٹ پروگرام ءِ چیر دستی ءَ ما باصلاحیتیں زھگاں تیار کناں ءُ پاکستان ءِ باصلاحیت آں دگنیا ءِ دیم ءَ کاریں ۔ آئی ءَ گوشت کہ اسپورٹس ڈسپلن ءُ دیم ءَ روگ ءِ جرات ءِ سکین ءَ دنت۔ شہباز شریف ءُ پنجاب ءِ سر وزیر مریم نواز شریف پاکستان ءِ ٹیلنٹ ءَ دیم ءَ آرگ ءِ واستہ کار ءَ انت ۔ ایشی ءَ ابید آہاں جامعہ ملی اسلامیہ ہاکی گراؤنڈ ءِ ہم تر ءُ تاب کتگ ءُ اودا برجاھیں کارانی سرا چار ءُ تپاسی کتگ۔
