راولپنڈی۔5مئی (اے پی پی): پاکستان ءَ ’’ایکس انڈس‘‘ ءِ برجاھیں مشق ءِ چیر دستی ءَ سرفیس ٹو سرفیس میزائل ’’فتح‘‘ ءِ سوبمندی ءَ گوں آزمائش کتگ۔ میزائل ءِ رِد ءُ بند 120 کلومیٹر اِنت۔ آئی ایس پی آر ءِ رد ءَ اے ٹیسٹ ءِ مول ءُ مراد فوجی فورسز ءِ آپریشنل تیاری ءَ را آسراتی دیگ ءُ میزائل ءِ ھاسیں تکنیکی تک ءُ پہنات آنی پٹ ءُ پول کنگ بوتگ ایشی ءِ تہ ءَ ایشی ءِ دیمروئی کتگیں نیویگیشن سسٹم ءُ گہتریں درستی ھوار اِنت۔ ھیل کاری ءِ تجربہ ءَ پاک فوج ءِ مزنیں افسر ءُ پاکستان ءِ اسٹریٹجک ادارگ آنی افسر سائنسدان ءُ انجینئر آنی گواہی بوتگ۔ چیئرمین جوائنٹ چیفس آف اسٹاف کمیٹی ءُ چیف آف آرمی اسٹاف ءَ بہر زوروکیں سپاھیگ، سائنسدان ءُ انجینئر آناں مبارکی دات۔ آئی ءَ پاکستان ءِ سرزمین ءِ یکوئی ءِ ھلاپ ءَ ھرچ وڑیں زوراکی ءِ ناکام کنگ ءِ واستہ پاک اُرد ءِ عملی پندل ءُ ٹیکنالوجی ءِ سر ءَ زور پر دات۔ مہارت ءِ سرا سرجمیں اعتماد ءِ درشان کنگ۔
