اسلام آباد۔5مئی (اے پی پی): صدر آصف علی زرداری ءَ بھارتی حکومت ءِ غیر ذمہ دار ءُ زوراکیں کارروائی آنی سر ءَ دلپدردی ءِ درشانی کتگ ءُ گوشت کہ بھارتی کارروائی دمگی امن ءُ ایمنی ءِ واستہ ھترہ انت۔ آئی ءَ اے گپ پاکستان ءَ چین ءِ سفیر جیانگ زیڈونگ ءَ گوں گند ءُ نند ءِ تہ ءَ کت اَنت آئی ءَ ایوان ءِ صدر ءَ صدر ءِ مملکت ءَ گوں گند ءُ نند کت۔ صدر ءِ مملکت کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ گند ءُ نند ءَ ھاسیں رنگ ءَ پہلگام ءِ وئیل ءَ پد پاکستان ءُ بھارت ءِ نیام ءَ استیں جاور ھال آنی سر ءَ ھیال ریچی کنگ بوت۔ صدر آصف علی زرداری ءَ ہندوستان ءِ سرکار ءِ غیر ذمہ دار ءُ زوراکیں بیانانی سرا دلپدردی درشان کتگ۔ صدر آصف علی زرداری ءَ گوشت کہ بھارت ءِ کارروائی دمگی امن ءُ ایمنی ءِ واستہ ھترہ ءِ جوڑ کنگ انت۔ چینی سفیر ءَ چین ءُ پاکستان ءِ نیام ءَ پائیدار ءُ آزمائشی دوستی ءِ پدا زور دات ءُ گوشت کہ دوئیں ملک ’’آہنی برات‘‘ اَنت، دوئیں ملکاں مدام گرانیں وھد ءَ یکے دومی ءِ کمک کتگ۔ چیدر صفرو ءَ چن ءِ گوما پاکستان ءِ لیکہ ءِ شریک کنگ ءِ ھاتر ءَ صدر ءِ منت گپت۔ چینی سفیر ءَ گیش گوشت کہ جنوبی ایشیا ءَ امن ءُ ایمنی ءِ دوئیں ملک آنی یکجائی واھشت ءِ سرجم کنگ ءِ واستہ چین پاکستان ءِ کمک ءَ کنت۔ صدر ءَ چین ءِ حکومت ءَ را گرانیں وھد ءَ پاکستان ءِ گوما اوشتگ ءُ آئی ءِ برجاھیں کمک ءِ سر ءَ ساڑات۔
