اسلام آباد۔4مئی (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ اقوام متحدہ ءِ تہا پاکستان ءِ مستقل نمائندہ ءَ را فرمان داتگ کہ آ اقوام متحدہ ءِ سلامتی کونسل ءِ دیوان ءِ دعوت ءِ ھاتر ءَ ترندیں گامگیج بہ زوریت۔ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ پاکستان ءَ باقاعدہ پیسلہ کتگ کہ آ اقوام متحدہ ءِ سلامتی کونسل ءَ را دمگ ءِ نوکیں جاور ھال آنی بابت ءَ سرپد بہ کنت۔ پاکستان اقوام متحدہ ءِ سلامتی کونسل ءَ را بھارت ءِ زوراکیں کارروائی، آشوب ءُ آشوب ءِ بیانانی بابت ءَ سرپد کنت۔ پاکستان سندھ ءِ آپانی معاہدے ءِ مھتل کنگ ءِ ھاترا بھارت ءِ ناجائزیں کارروائی آنی سر ءَ ھاسیں رنگ ءَ چمشانک دنت۔ پاکستان اے گپ ءَ پدر کنت کہ بھارت ءِ زوراکیں کارروائی جنوبی ایشیا ءُ ایشیا ءَ چہ دریں دمگاں امن ءُ ایمنی ءَ را چونیں ھترہ ءِ آماچ کنگ ءَ انت۔ اے ھاسیں سفارتی گامگیج پاکستان ءِ نیمگ ءَ چہ میاں اوستمانی براتی ءِ دیم ءَ راستیں راستی آناں پیش کنگ ءِ کوشست آنی بھر اِنت۔
