لاہور۔4مئی (اے پی پی): پنجاب ءِ وانگ ءُ زانگ ءِ وزیر رانا سکندر حیات ءَ بھارتی مزن وزیر نریندر مودی ءَ را وانگ ءُ زانگ ءُ امن ءِ دیمروئی ءِ پیغام سر کنگ ءِ وھد ءَ گوشت کہ بھارت ءَ را دمگ ءَ وانگ ءُ زانگ، دیمروئی ءُ امن ءِ واستہ پاکستان ءِ گوما کار کنگی اِنت، ءُ پاکستان ءَ را غزہ لیکگ ءِ ردی ءَ مہ کنت۔ مئے کرّا وت ءَ دفاع کنگ ءِ سرجمیں توانائی ھست۔ رانا سکندر حیات ءَ گوشت کہ بھارت ءَ 1965، 1971 ءُ کارگل ءِ وڑیں جنگ آنی تہ ءَ مارا آزمائش کتگ ءُ ما انگت ءَ ھمک محاذ ءَ تیار ایں ۔ آئی ءَ ھندی مزن وزیر ءَ را ھال دات کہ مارا پدا چکاس مہ کن اِت، پرچا کہ اے رندی مارا چاہ نہ رس اِیت، بلکیں ایوک ءَ سبق رس اِیت۔ وزیر تعلیم ءَ ہندوستان ءِ مزن وزیر ءَ را یک ھاسیں کلوہ یے دات کہ داں چاہ روان اِنت اے گپ ءَ بہ پھم اِت کہ ما نرم نرم ایں بلے وہدے سبق بندات بیت آ چاہ ءِ بو ءَ ہم شموشیت۔ آئی ءَ گوشت کہ مودی اے گپ ءَ مہ جیڑ ایت کہ آ مارا ترس ءُ بیم ءِ آماچ کنت یا دپ کپت کنت، ما بھارت ءِ ھرچ گامگیج ءِ سر ءَ مھکمیں رنگ ءَ پسو دئیں۔
