اسلام آباد۔4مئی (اے پی پی): حریت ءِ سروک یاسین ملک ءِ جنین مشال ملک ءَ گشتگ کہ جنگی کونسل ءَ آزاد کشمیر ءِ جار جنگ بہ بیت، دروگیں پرچم ءِ آپریشن ءَ پد ہندوستان دھمکی دیگ ءَ انت، پہلگام ءِ اُرش ءِ پدر کنگ ءَ پد کشمیریانی سر ءَ ملبہ ءِ شنگ کنگ بوھگ ءَ انت۔ ادا جاڑی بوتگیں بیان ءِ تہ ءَ مشال ملک ءَ گوشت کہ بھارت آپی ناشرکاری کنگ ءَ اِنت، بھارت ءِ یک نیمگی کارروائی ناجائز اَنت، لائن آف کنٹرول ءِ کش ءَ نندوکیں مردم آناں وت رکینگ ءِ تربیت دیگ بہ بیت۔ مشال ملک ءَ گوشت کہ بھارت مقبوضہ کشمیر ءَ کشمیری آنی لوگ آناں تراک کنوکیں سامان آنی گوما تراک کنگ ءَ اِنت، کشمیری آناں نشانگ جوڑ کنگ بوھگ ءَ اِنت، مزن وزیر ءَ را اپیل کنگ بیت کہ آ وتی گشتانک ءِ وسیلگ ءَ راج ءَ را اعتماد ءِ تہ ءَ بہ زوریت۔ مشال مالک ءَ گشت کہ جنگ ءِ ہمڑ آوچان انت ۔ کشمیر فلیش پوائنٹ اِنت، پارلیمنٹ ءِ یکجائی دیوان ءِ جار جنگ بہ بیت، ءُ بھارت ءِ گوما سملا ءِ معاہدہ ھلاس کنگ بہ بیت۔ مشال ملک ءَ گوشت کہ کشمیر ءِ جیڈھ ءَ را اقوام متحدہ ءَ برگ بہ بیت، ءُ بھارت ءَ تاں روچ ء مرچی ھرچ وڑیں معاہدہ کتگ آ رد کنگ بہ بیت۔ من ءَ دھوکہ داتگ ات، اقوام متحدہ ءِ تہا کشمیر ءِ جیڑہ وت واجئی ءِ حق انت، کشمیر ءِ جیڑہ گیش ءُ گیوار کنگ بہ بیت ءُ آجوئی ءِ حق دیگ بہ بیت۔
