اسلام آباد۔4مئی (اے پی پی): پاکستان ءُ بھارت ءِ نیام ءَ گوستگیں کش ءُ چیل ءِ تہ ءَ سرجمیں پاکستان ءِ سرکاری دمگ سرجمی ءَ یکجا اَنت ءُ پاکستان ءِ بہادریں اُرد آنی حمایت ءُ دلبڈی ءِ درشان کنگ ءِ تہ ءَ سرجمیں سوشل میڈیا پلیٹ فارم یک مزنیں کردے پیلو کنگ ءَ اَنت۔ ملک ءِ اکثریتی آبادی ءُ ہمے رنگ ءَ اقلیت ءِ راج سوشل میڈیا پلیٹ فارم ءِ وسیلگ ءَ سلاہ بندیں اُرد ءِ گوما یکوئی ءِ درشانی کنگ ءَ انت۔ یک شمبے ءِ روچ ءَ پی ٹی وی نیوز ءِ رپورٹ ءَ گوشت کہ ملک ءِ ھرچ دمگ ءَ چہ سلاہ بندیں اُرد ءِ حمایت ءُ ستا ءِ پیغام رسگ ءَ انت، راج ءِ یکوئی ءُ سلاہ بندیں اُرد ءِ قربانی آنی ستا کنگ بوھگ ءَ انت۔ رپورٹ ءَ اقلیتی کمیونٹیز ءِ نیمگ ءَ چہ سلاہ بندیں اُرد ءِ ھاتر ءَ مھکمیں کمک ءِ سر ءَ ھم چمشانک دیگ بوتگ کہ ایشی ءَ چہ شہری ءُ سلاہ بندیں اُرد ءِ نیام ءَ مھکمیں سیادی ءِ درشانی کنگ بیت۔ اے رپورٹ ءِ تہا عیسائی، ہندو ءُ سکھ کمیونٹی ءِ مردمانی گوں انٹرویو ہم ہوار انت کہ آہاں ملک ءِ دفاع ءِ تہا فوج ءِ بے دروریں حمایت ءِ درشانی کتگ۔ اے رپورٹ ءِ تہا یک ورنائیں سکھ زالبولے ءَ گشتگ کہ ما گوں وتی پاکستانی سلاہ بندیں لشکر ءَ شانہ ءِ سرا اوشتاتگیں کہ آ مئے ملک ءُ مئے آیوکیں باندات ءِ رکھینگ ءَ انت۔ رپورٹ ءِ تہ ءَ گیش گْوشگ بیتگ کہ اقلیتی کمیونٹیز ھم پاکستان ءِ سلاھبندانی کمک ءَ ریلی ءُ زھرشانی کنگ ءَ اَنت ءُ وتی سلاھبندانی گوما یکوئی ءُ یکوئی ءِ درشان کنگ ءَ اَنت۔ فیس بک، ٹک ٹاک، واٹس ایپ گروپ، انسٹاگرام ءُ دگہ سوشل میڈیا پلیٹ فارمز ءِ سر ءَ نامداریں مردم سلاہ بندیں اُرد ءِ واستہ ریلی کنگ ءَ اَنت۔ وتی بے رھمیں حمایت ءُ یکوئی ءِ درشان ءَ ما جار جنگ ءَ ایں کہ “ما تیار ایں، ما آزمائش ءَ نہ ایں”۔ صحافی ءُ اینکر ہم راج ءِ رائے ءِ جوڑ کنگ ءُ ہندوستان ءِ پروپیگنڈا ءِ دیم ءَ دارگ ءَ مزنیں کردے پیلو کنگ ءَ انت۔ یک اھوالکارے ءَ وتی سوشل میڈیا اکاؤنٹ ءَ نبشتگ کہ مئے سلاہ بندیں اُرد مئے راج ءِ ریڑھ ءِ ھڈ اِنت، ما ھندی پروپیگنڈا مشین ءِ دیم ءَ دارگ ءِ ھاترا ھر وڑیں کمک ءَ کن ایں ۔ نامداریں اھوالکار جاوید اقبال ءَ وتی کلوہ ءِ تہ ءَ گوشت کہ ما وتی سپاھیگ آنی ھمراھی ءَ اوشتاتگ آں ءُ وتی ملک ءِ رکھینگ ءِ واستہ ھمک رنگ ءِ کمک ءَ کناں۔ دگہ زالبولیں اھوالکار اینکر ءَ وتی پیغام شیئر کتگ کہ امن مئے نزوری نہ اِنت، مئے زور اِنت۔ عام مہلوک ھم جتاجتائیں پوسٹانی وسیلگ ءَ پاک فوج ءِ گوما یکوئی ءِ درشانی کنگ ءَ انت۔
