اسلام آباد۔4مئی (اے پی پی): آزات جموں ءُ کشمیر ءِ صدر بیرسٹر سلطان محمود چوہدری ءَ پہلگام ءِ وئیل ءِ مذمت کنان ءَ ءُ اے وئیل ءِ سر ءَ دلپدردی ءِ درشان کنان ءَ گوشت کہ بھارت وتی زلم ءُ زوراکی ءُ بربریت ءَ گوں کشمیری آنی آجوئی ءِ تحریک ءَ را سرکوب کت نہ کنت۔ ہندوستان کشمیریانی آجوئی ءِ روح ءَ زوراکی ءَ چہ ھلاس کنگ لوٹیت بلے ہندوستان تاں روچ ء مرچی اے بدیں نیت ءَ سوبمند نہ بوتگ۔ مقبوضہ کشمیر ءِ بے سلاہیں مردماں وتی ہون ءِ ندر کنگ ءَ کشمیر ءِ آجوئی ءِ تحریک زندگ داشتگ۔ اے ھیالانی درشانی آزات جموں ءُ کشمیر ءِ صدر بیرسٹر سلطان محمود چوہدری ءَ صدر ءِ کارگس کشمیر گس اسلام آباد ءَ آل پارٹی حریت کانفرنس (آزاد کشمیر باب) ءِ ھاسیں دیوان ءَ گوں گشتانک دیان ءَ کت۔ آئی ءَ گوشت کہ وتی ناکامی ءَ پد نوں بھارت ءَ مزن پندل آنی سر ءَ زور گپتگ ءُ پہلگام ءَ دروگیں پرچم ءِ آپریشن ءَ گوں مظلومیں کشمیری الس ءِ سر ءَ زلم ءُ زوراکی کنگ ءَ انت۔ ما چہ میاں اوستمانی براتی ءَ دزبندی کن ایں کہ آ بھارت ءَ را اے وڑیں زوراکیں گامگیجاں چہ بہ رکین ایت ءُ مقبوضہ کشمیر ءَ انسانی ھکانی لگتمالی ءَ را بہ رکین ایت۔ ھک لگتمالی ءِ بند کنگ ءُ مظلوم کشمیری راج ءِ واھگ ءُ واھگ ءِ رد ءَ کشمیر ءِ جیڈھ ءَ گیش ءُ گیوار کنگ ءِ واستہ وتی کرد ءَ پیلو کن اِت۔ بھارت مدام آزاد کشمیر ءِ امن ءُ ایمنی ءَ را ھراب کنگ ءُ اودا ناامنی ءِ شنگ کنگ ءِ جھد ءَ کنگ ءَ اِنت بلے بھارت ءِ قبضہ ءِ کشمیر ءِ تہ ءَ اے وڑیں دروگیں پرچم ءِ آپریشن کنگ ءَ کشمیر ءِ جیڑھ میان اُستمانی تک ءَ گیشتر مھکم بیت ءُ بھارت ءِ نا شریں ارادہ دگنیا ءِ دیم ءَ پدر بنت۔ پمشکا چوشیں وھد ءَ آزات کشمیر ءِ سرجمیں سیاسی رھشونی ھُریات کانفرنس (آزاد کشمیر چیپٹر) ءُ درملک ءَ نشتگیں کشمیری یکجاہ بہ بنت ءُ ھندوستان ءِ زُلم ءُ زوراکیاں دُنیا ءِ دیم ءَ پاشک بہ کن اَنت دانکہ دگنیا ھندوستان ءِ دروگیں پروپیگنڈا ءُ زُلماں سرپد بہ بیت۔ حریت کانفرنس ءِ ڈل ءِ تہا حریت کانفرنس ءِ کنوینر آل پارٹی غلام محمد صافی، مدام شمیم شال، جنرل سیکرٹری ایڈووکیٹ پرویز احمد، سیکرٹری انفارمیشن مشتاق احمد بٹ، شیخ عبدالمتین، امتیاز وانی، میان مظہف، احمد در، عادل مشتاق وانی۔ اے موہ ءِ سر ءَ حریت کانفرنس ءِ ڈل ءَ آزاد جموں ءُ کشمیر ءِ صدر بیرسٹر سلطان محمود چوہدری ءَ را مقبوضہ کشمیر ءِ نوکیں جاور ھال آنی بابت ءَ سرپدی دات ءُ مقبوضہ کشمیر ءَ پہلگام کشمیر ءِ وئیل ءَ پد بھارت ءِ نیمگ ءَ کشمیری آنی سر ءَ کنگ بوھوکیں ظلم ءُ زوراکی آنی بابت ءَ ھم سرجمیں بریفنگ دات۔ صدر آزات جموں ءُ کشمیر ءِ بیرسٹر سلطان محمود چوہدری ءُ حریت کانفرنس آزاد کشمیر برانچ ءَ اے گپ ءِ سر ءَ تپاک کتگ کہ کشمیر ءِ جیڈھ ءِ گیواری ءُ مقبوضہ کشمیر ءَ جاری بھارتی ظلم ءُ زوراکی آناں جھان ءِ تک ءَ پدر کنگ ءِ واستہ آزادی بیس کیمپ ءَ چہ کوشست گیش کنگ بنت۔ اے درگت ءَ درملک ءَ نندوکیں کشمیری آں گوں ھمکوپگی ءَ کشمیر ءِ جیڈھ ءِ گیواری ءُ مقبوضہ کشمیر ءَ بھارت ءِ نیمگ ءَ برجاھیں ظلم ءُ زوراکی آناں میاں اوستمانی براتی ءِ دیم ءَ بند کنگ ءِ واستہ گیش سرگرمیں کوشست کنگ لوٹ ایت۔ اے موہ ءِ سر ءَ صدر آزات جموں ءُ کشمیر ءِ بیرسٹر سلطان محمود چوہدری ءَ گوشت کہ بھارت ءَ را جنگ ءِ ھترہ انت پرچا کہ پاکستان ءُ بھارت دو ایٹمی طاقت انت۔ دوئیں ملکانی نیام ءَ ھرچ کسانیں یا مزنیں واقعہے (پاکستان، ھندوستان) مزنیں جنگے ءِ پیشگال بوت کنت کہ سرجمیں دگنیا ءِ امن ءِ ھاترا ھترہ اِنت۔ پمیشکا امریکہ ءُ برطانیہ ءَ ھوار دگنیا ءِ دگہ بااثریں ملک دیم ءَ بہ کپ اَنت ءُ ھندوستان ءَ چہ وتی زوراکیں کارروائیاں رکّین اَنت ءُ جنوبی ایشیا ءِ سر ءَ دیم ءَ آیوکیں جنگ ءِ جمبراں کم کنگ ءِ ھاترا وتی کرد ءَ پیلو بہ کن اَنت۔ اے موہ ءِ سر ءَ آزات جموں ءُ کشمیر ءِ صدر بیرسٹر سلطان محمود چوہدری ءَ گوشت کہ بھارت دروگیں پروپیگنڈا ءِ شنگ کنگ ءَ کشمیر ءِ جیڈھ ءَ را ھلاس کنگ ءُ مقبوضہ کشمیر ءَ را غصب کنگ لوٹ ایت بلے بھارت ءَ را اے گپ زانگ لوٹ ایت کہ مقبوضہ کشمیر ءِ الس کشمیر ءِ آجوئی ءِ جھد ءَ برجاہ دار اَنت ءُ کشمیر ءِ آجوئی ءِ تحریک ءَ را دیم ءَ برگ ءَ انت، مقبوضہ کشمیر ہندوستان ءِ حاکمی ءَ چہ آزات کنگ بیت۔ اے موہ ءِ سر ءَ کنوینر واجہ غلام محمد صافی ءَ آزاد جموں ءُ کشمیر ءِ صدر بیرسٹر سلطان محمود چوہدری ءِ نیمگ ءَ راجی ءُ میاں اوستمانی تک ءَ کشمیر ءِ جیڈھ ءَ را پدر کنگ ءِ کوشست آناں ساڑات۔ آئی ءَ گوشت کہ صدر آزاد جموں ءُ کشمیر ءِ بیرسٹر سلطان محمود چوہدری ھما سروک آنی تہ ءَ نامدار اِنت کہ آھاں کشمیر ءِ جیڈھ ءِ واستہ ارزشتی ایں ازمت کتگ ءُ آئی ءَ حریت کانفرنس ءِ گوما مُدام نزیکی ءُ مثالی سیادی بوتگ۔ اے ھاسیں دیوان ءَ گوستگیں پہلگام ءِ سانحہ ءِ پس منظر ءَ مقبوضہ جموں ءُ کشمیر ءَ اسرائیل ءِ طرز ءِ بدترین ریاستی ناشرکاری ءِ سرا زبردستیں لبزاں گوں مذمت کنگ بوتگ۔ کنوینر غلام محمد صافی ءَ آزات جموں ءُ کشمیر ءِ صدر بیرسٹر سلطان محمود چوہدری ءَ را مقبوضہ کشمیر ءِ گرانیں جاور ھال آنی بابت ءَ سرپد کت ءُ گوشت کہ بھارتی قبضہ گیریں اُرد ءَ ظلم ءُ بربریت ءِ ھمک سیمسر ءَ چہ چہ دیم ءَ شتگ۔ تراکناکیں چیزانی سبب ءَ بے سلاہیں کشمیریانی لوگ تباہ کنگ بوہگ ءَ انت۔ ہزاراں ورناہ ناحق ءَ دزگیر کنگ ءُ زنداناں بند کنگ بوہگ ءَ انت، ہندوستان ءِ جتا جتائیں ریاستاں کشمیری نودربراں ٹارچر ءُ آزار دیگ بوہگ ءَ انت ءُ کشمیری ھاندان چہ وتی پت ءُ پیروکی لوگاں در کنگ بوہگ ءَ انت۔ اے کارروائی چہ میان استمانی قانود ءُ انسانی حقانی سرا ھاسیں لگتمال انت۔ آئی ءَ اے گپ ءِ سر ءَ اپسوز ءِ درشان کت کہ پہلگام ءِ سانحہ ءِ آڑ ءَ کشمیری آنی سر ءَ زلم ءُ زوراکی آنی نوکیں سلسلہ بندات کنگ بوتگ ایشی ءِ مول ءُ مراد کشمیری آنی بنیاتی ھک آنی تہ ءَ چہ زبھر کنگ ءُ آجوئی ءِ جُنز ءِ دپ کپگ اِنت۔ اے درستیں کارروائی مقبوضہ سرزمین ءَ ترس ءُ بیم ءِ ماحول جوڑ کنگ ءُ کشمیری آنی توار ءَ بے توار کنگ ءِ ناپاکی ءِ کوشست اَنت۔ آل پارٹی حریت کانفرنس ءِ دگہ سروکاں اقوام متحدہ ءُ درستیں میاں اوستمانی انسانی حقانی گلاں چہ سک باز اپیل کتگ کہ آ اے سنگینیں جاور ھال ءِ سر ءَ ترندیں نوٹس بہ زور اَنت ءُ بھارت ءِ سر ءَ زور پر بہ دنت کہ آ مقبوضہ کشمیر ءَ ریاستی ناشرکاری ءَ را بند بہ کنت۔ کشمیریاں وتی پیدائشی حق ءِ کارمرز کنگ ءِ موہ دیگ بہ بیت، وت واجہی ءِ حق کہ اقوام متحدہ ءَ وت وتی قراردادانی تہا وعدہ کتگ۔ ڈل ءَ میاں اوستمانی براتی ءَ را زور پر دات کہ آ مقبوضہ کشمیر ءَ جاری انسانی ھک آنی سنگینیں لگتمالی ءَ را من ایت ءُ کشمیری آنی واستہ انصاف ءُ پرامن گیواری ءِ واستہ وتی کرد ءَ پیلو بہ کنت۔ کشمیری راج دہائیاں چہ وتی وتواجھی ءِ حق ءِ ھاترا جہد کنگ ءَ اِنت ءُ گیشیں زلم ءُ زوراکی ءِ آماچ کنگ نہ بیت۔ ریاست آزاد جموں ءُ کشمیر ءِ صدر بیرسٹر سلطان محمود چوہدری ءَ آل پارٹی حریات کانفرنس ءِ ڈل ءَ را وش اتک کت ءُ مقبوضہ کشمیر ءَ جاری بھارتی ریاستی ناشرکاری ءِ سک باز مذمت کت۔ گند ءُ نند ءِ تہ ءَ آزاد جموں ءُ کشمیر ءِ ریاست ءِ صدر ءِ بیرسٹر سلطان محمود چوہدری ءَ پہلگام ءِ سانحہ ءَ پد مقبوضہ وادی ءَ انسانی ھکانی سنگینیں لگتمالی ، ڈیموگرافی ءِ بدل کنگ ءِ نا شریں منصوبگ ، ورناہانی بے جاہیں دزگیر کنگ ، 2018 ءَ بھارت ءِ نودربر آنی ھلاپ ءَ زوراکی ءِ وئیل آنی سر ءَ سک باز جیڈھ ءِ درشانی کت۔ کشمیری آنی لوگ آنی ھلاس کنگ ءَ انت۔ صدر آزات جموں ءُ کشمیر ءِ بیرسٹر سلطان محمود چوہدری ءَ گوں ھاسیں گالوار ءَ گوشت کہ آزات جموں ءُ کشمیر ءِ حکومت ءُ الس وتی کشمیری برات ءُ گھار آنی گوما وتی جہد ءُ کوشست ءِ تہ ءَ شانہ پہ شانک ءَ اوشتاتگ اَنت۔ آئی ءَ کشمیری آناں وتی وت واجہی ءِ حق ءِ رسگ ءَ تاں کشمیری آناں ھرچ وڑیں سیاسی، سفارتی ءُ اخلاقی کمک ءِ دیم ءَ برگ ءِ وتی جزم ءِ پدا زور دات۔ آئی ءَ میاں اوستمانی براتی ءَ را زور پر دات کہ آ مقبوضہ کشمیر ءَ انسانی ھک آنی گرانیں جاور ھال آنی سر ءَ نوٹس بہ زور اَنت ءُ بھارت ءِ سر ءَ زور پر بہ دنت کہ آ کشمیری آنی بنیاتی ھک آنی احترام ءَ بہ کنت۔ اے موہ ءِ سر ءَ صدر آزات جموں ءُ کشمیر ءِ بیرسٹر سلطان محمود چوہدری ءَ پاکستان ءُ بھارت دوئیں ملک آنی تہ ءَ دائمی امن ءِ برجائی ءِ واستہ سنگینیں گپ ءُ تران ءِ بندات کنگ ءِ سر ءَ زور پر دات۔ آئی ءَ گوشت کہ کشمیر ءِ جیڈھ یک دیریں ءُ پیچیدہ جیڈھ ءِ، ایشی ءِ گیواری ایوک ءَ بامردیں گپ ءُ تران ءِ وسیلگ ءَ ممکن انت۔ آئی ءَ گیش گوشت کہ دوئیں ملک وت مہ وتی بھروسہ ءُ تپاکی ءَ گوں دیم ءَ بہ رو اَنت تانکہ اے ھاسیں جیڈھ ءِ ایمن ءُ انصاف ءِ گیواری ءِ شوھازگ بہ بیت۔ آل پارٹی حریات کانفرنس ءِ ڈل ءَ آزات جموں ءُ کشمیر ءِ صدر بیرسٹر سلطان محمود چوہدری ءِ منت گپت کہ آئی ءَ کشمیری الس ءِ گوما مھکمیں یکوئی ءِ درشانی کتگ ءُ آہانی اصولی موقف ءِ حمایت کتگ۔ ڈل ءَ صدر ءِ مملکت ءَ را مقبوضہ کشمیر ءِ نوکیں جاور ھال آنی بابت ءَ سرپد کت ءُ جھان ءِ تک ءَ اے جیڈھ ءَ را پدر کنگ ءِ واستہ آئی ءِ کوشست آناں ساڑات۔ اے گند ءُ نند ھما وھد ءَ بوتگ کہ مقبوضہ کشمیر ءِ جاور ھال انتہائی نگیگ انت ءُ امیت انت کہ میاں اوستمانی براتی اے نازرکیں جاور ھال ءِ سرپد بہ بیت ءُ دمگ ءَ امن ءُ ایمنی ءِ واستہ وتی کرد ءَ پیلو بہ کنت۔ آزات جموں ءُ کشمیر ءِ صدر بیرسٹر سلطان محمود چوہدری ءِ اے بیان کشمیری الس ءِ واستہ دلبڈی ءِ کلوہ ءُ امیت ءِ شعاع انت کہ آہانی قربانی بے سوب نہ بنت۔
