سلام آباد – 4 مئی (اے پی پی) : جمہوریہ اسلامی ایران ءِ درئی کارانی وزیر سید عباس اراقچی دوشمبے ءِ روچ ءَ پاکستان ءِ سرکاری تر ءُُ تاب ءَ کنت۔ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ ایران ءِ وزیر ءِ درئی کار ءِ مزن تک ءِ تر ءُ تاب پاکستان ءُُ ایران ءِ براتیں ملک آنی نیام ءَ جہل ءُُ مھکمیں سیادی ءِ درشان اِنت ءُُ اے رنگ ءَ دوئیں ملک آنی یکجائی عزم ءِ سر ءَ ھم پدر کنگ بیت کہ آ دو نیمگی کمک ءَ را گیش مھکم بہ کن اَنت۔ ایران ءِ دری کارانی وزیر سید عباس اراقچی ءِ پاکستان ءِ تر ءُ تاب ءِ وھد ءَ دوئیں نیمگ ءَ دمگی ءُ جھان ءِ دیمروئی آنی سر ءَ ھم گپ ءُ تران کنگ بیت۔ درئی کارانی کارگس ءِ رد ءَ اے تر ءُ تاب ءِ وھد ءَ ایران ءِ درئی کارانی وزیر سید عباس عراقچی ءَ صدر آصف علی زرداری ، مزن وزیر محمد شہباز شریف ءُ نائب مزن وزیر ءُ دری کارانی وزیر سینیٹر محمد اسحاق دار ءَ گوں گند ءُ نند کنت ۔ پاکستان ءُ ایران ءِ نزیکیں دو نیمگی سیادی است انت کہ آہانی بُن ھشت مشترکہ راجدپتر، دود ءُ ربیدگ ءُ مذہب انت۔ امیت انت کہ ایران ءِ دری کارانی وزیر ءِ اے تر ءُ تاب ءَ چہ دوئیں ملک آنی نیام ءَ استیں سیادی گیش مھکم بنت ءُ وت مہ وتی کمک ءَ را گیش کنگ بیت۔
