لاہور۔4مئی (اے پی پی):پٹرولیم ءِ وفاقی وزیر علی پرویز ملک ءَ گوشت کہ برجاھیں محنت ءُ جوانیں پالیشی آنی سبب ءَ ملک گہتری ءِ نیمگ ءَ روگ ءَ انت۔ ملک کہ دیوالیہ بوھگ ءِ کش ءَ ات نوں اقتصادی استحکام ءِ نیمگ ءَ روگ ءَ انت۔ یک شمبے ءِ روچ ءَ داروگھاوالہ ءَ میڈیا ءَ گوں تران کنان ءَ علی پرویز ملک ءَ گوشت کہ حکومت ءَ مہنگائی ءَ را کنٹرول کتگ ءُ بجٹ ءَ تنخواہ داریں تبک ءَ را ریلیف دیگ بیت۔ آئی ءَ گوشت کہ بجلی ءِ نہاد 40 کلدار ءَ چہ گیش بوتگ نوں 7 ءَ چہ 8 کلدار ءَ کم کنگ بوتگ، وھدیکہ نوکیں بجلی ءِ کنکشن ءِ پھجارینگ ھم آسان کنگ بوتگ۔ آئی ءَ گوشت کہ حکومت برآمدات ءِ تہ ءَ گیشی ءِ واستہ گامگیج کنگ ءَ انت ءُ متبادل ایندھن ءِ انتظامی ءِ سر ءَ ھم کار برجاہ انت۔ ٹائر ءِ سوزگ ءِ وڑیں زوراکیں زھرشانی ءِ دلپروش کنگ بیت۔ وفاقی وزیر ءَ گوشت کہ اگاں ما یکجہ ءُ تپاکی ءَ گوں دیم ءَ رواں گڈا نا ایوک ءَ پاکستان ءِ بلکینگ ءَ سرجمیں اسلامی دگنیا ءِ نقشہ بدل بیت۔ دمگ ءِ جاوراں چہ راجی یکوئی ءِ ضلورت چہ پیسر ءَ گیشتر زوت بوتگ۔ مارا دنیا ءَ گشگی اِنت کہ ما یک یکجاھیں راجے ایں ۔ بھارت ءِ نیمگ ءَ چہ انوگیں الزام آنی سر ءَ علی پرویز ملک ءَ رد عمل پیش کنان ءَ گوشت کہ بھارت پاکستان ءِ نزوری ءُ نا اہلی ءِ ذمہ وار مہ جنت۔ اگاں آئی ءِ گور ءَ ھچ ثبوت ھست گڑا آ پیش بہ کنت اگاں نہ بے بنیں الزاماں چہ وت ءَ بہ پھریز ایت۔ سرجمیں دگنیا ءَ پاکستان ءِ موقف ءِ حمایت کتگ ءُ بھتام ءِ بدل ءَ بھارت ءِ لوٹ کتگ کہ ثبوت بیاریت ۔ علی پرویز ملک ءَ گیش گشت کہ مئے صبر ءُ اوپار ءَ نزوری لیکگ مہ بیت اگاں لوٹ بوت گڈا مارا آھاں ابھینندن ءِ چائے یات کنگی انت۔ آئی ءَ اے گپ ءِ پدرائی کت کہ پاکستان یک زمہ واریں ریاست انت کہ آ وت ءَ را رکھینگ ءِ سرجمیں توان ءَ دار ایت۔ وفاقی وزیر ءَ ناشرکاری ءِ گوستگیں واکیہ آنی سر ءَ تران کنان ءَ گوشت کہ حکومت غیر جانبدار پٹ ءُ پول ءِ وسیلگ ءَ مجرم آناں کانود ءِ دیم ءَ کاریت۔ آئی ءَ گوشت کہ پاکستان ءَ ناشرکاری ءِ واستہ مزنیں بھا ادا کتگ ایشی ءِ بابت ءَ مارا اکس ءَ چہ سبق زورگ ءِ ضلورت نہ انت۔
