اسلام آباد۔4مئی (اے پی پی):نائب مزن وزیر ءُ درئی کارانی وزیر سینیٹر محمد اسحاق ڈار دار ءَ ملائیشیا ءِ درئی کارانی وزیر داتو سری محمد حسن ءَ گوں فون ءِ سر ءَ گپ ءُ تران کتگ۔ یک شمبے ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ درئی کارانی وزیر اسحاق ڈارءَ دمگی جاور ھال آنی بابت ءَ سرپد کتگ۔ آئی ءَ بھارت ءِ بے بنیں الزام، ردیں ھالانی مہم ءُ ناجائزیں یک نیمگی کارروائی آناں رد کت کہ دمگی امن ءُ ایمنی ءِ ھاترا ھترہ انت ءُ بھارت ءِ سندھ ءِ آپانی معاہدے ءِ ھلاس کنگ ءِ یک نیمگی پیسلہ ءِ سک باز مذمت کت کہ اے آئی ءِ میاں اوستمانی ذمہ واری آنی ھاسیں خلاف ورزی انت۔ اسحاق ڈار دار ءَ دمگی امن ءُ ایمنی ءِ واستہ پاکستان ءِ عزم ءِ پدا زور دات، بلے آئی ءَ اے گپ ءِ پدرائی کت کہ آ راجی مفاد ءُ حاکمیت ءِ رکھینگ ءِ وتی حق ءَ وتی گور ءَ دار ایت۔ دری کارانی وزیر داتو سری محمد حسن ءَ پاکستان ءِ موقف ءِ حمایت کتگ ءُ گشتگ کہ دوئیں نیمگاں وتی سرا زبردستی کنگ لوٹیت۔ ٹیلی فون ءِ گپ ءُ تران ءَ دوئیں راہشوناں استیں جاور ھال ءِ تہا نزیکیں رابطہ ءِ برجاہ دارگ ءِ سرا تپاک کتگ۔
