اسلام آباد۔4مئی (اے پی پی):وفاقی وزیر ءِ پاکستان ءِ ھال ءُ اھوال عطا اللہ تارڑ ءَ پاکستان ءِ روتاک ایڈیٹرز ءِ کونسل ءِ نوکیں گچین بوتگیں اگدہ دار آناں مبارک بات داتگ۔ یک شمبے ءِ روچ ءَ جاڑی بوتگیں بیان ءِ تہ ءَ وفاقی وزیر ءِ اھوالکاری ءَ نوک گچین بوتگیں سی پی این ای کے نومنتخب صدر کاظم خان، سیکرٹری جنرل غلام نبی چانڈیو، سینئر نائب صدر ایاز خان اور ڈپٹی سیکرٹری جنرل تنویر شوکت ءَ را مبارکی ءُ نیکیں واھشت آنی درشانی کتگ۔ وفاقی وزیر ءِ اھوالکاری ءَ گوشت کہ نوکیں گچین بوتگیں سروکی ءِ کامیابی اھوالکاری کمیونٹی ءِ دل یکیمی ءِ آدینک انت۔ آئی ءَ گوشت کہ حکومت ءَ رسانکدر ءِ آجوئی ءِ سر ءَ سرجمی ءَ باور اِنت۔ وفاقی وزیر ءَ گوشت کہ توامیں اسٹیک ہولڈر آنی گوما یکوئی ءَ ذمہ وار، آزات ءُ پیشہ وارانہ صحافت ءِ دیمروئی ءِ واستہ جزمیگ آں۔ آئی ءَ اے اُمیت ءِ درشانی کت کہ سی پی این ای ءِ نوکیں سروکی اھوالکار آنی ھک آنی رکھینگ، پیشہ وارانہ معیار آنی دیمروئی، ءُ راجی مفاد آنی برجائی ءِ تہ ءَ جوانیں کرد پیلو کنت۔ عطا اللہ تارڑ ءَ گوشت کہ وزارت ءِ اھوالکاری توامیں اھوالکاری ادارگ آنی گوما رابطہ ءَ انت ءُ اھوالکاری ادارگ آنی دیم ءَ اوشتاتگیں چیلنج آنی گیواری ءِ واستہ ھمک رنگ ءِ کمک ءَ کناں۔
